Cemil Oguz

Ji bo berendamiya mebûsiyê HDP'ê cihek fireh ji bo kontenjanan veqetand. Lîsteya HDP'ê rengîn e.

Gava pêşî: Navên nû hene di lîsteyê de. Serê pêşî navên ku bala raya giştî ya Tirkiyeyê kişandin hene. Wekî Mîr Dengîr Firat ku yek ji avakarên AKP'ê bû; Celal Dogan ku du caran li Entabê şaredarî kir li ser navê CHP'ê... Mifteyê Amedê Erdogmuş Nimetullah Erdogmuş du di deqiqîyên dawî de ji miftîtî îstîfa kir û serî li HDP'ê da... Her wiha gelek akademîsyen û kedkar hene. Ji bilî Prof. Kadri Yildirim ku raya giştî ya kurd baş wî nas dike, Ahmet Yildirim jî heye ku Yildirim li ser navê HDP'ê endamê RTUK'ê bû. Ji Tifaqa Kurd du berendam ku ji cihê tên hilbijartin hatine nîşandayîn ku ev yek jî tiştek baş baş e.

Hin akademîsyenên dê bêne hilbijartin

Ji akademîsyenan Prof. Kadri Yildirim, Beyza Ustun, Ahmet Yildirim (li ser navê HDP'ê endamê RTUK'ê bû), Mithat Sancar di rêzên pêş de ne.

Hin oldar û miftiyê Amedê

Ji wan ligel Dengîr Mîr Mehmet Firat, Altan Tan dîsa berendam e. Her wiha Ayhan Bilgen, Huda Kaya, Seher Akçinar, Kadri Yildirim hin ji Wan in. Dîsa Miftiyê Amedê Nimetullah Erdogmuş (Ji AMedê di rêza 3'yem de) jî berendam e.

Berendamên ji Tifaqa Kurd

Her wiha ji "Tifaqa Kurd" ji Tevgera Azadî Adem Ozcaner (mi Wanê di rêza 4'an de), ji DDKD'ê Îmam Taşçier (ji Amedê di rêza 8'an de) cih girtiye.

Kontenjana Elewiyan

Ji kontenjana elewiyan 4 kes ji cihên ku îhtîmala mezin dê bêne hilbijartin diyar kirin. Muslum Dogan bi salan serokatiya Komeleya Çandî ya Pîr Sultan Abdal kir ji Îzmîrê, herêma 2'yemîn di rêza 1'emîn de ye.

Turgut Oker Serokatiya Federasyona Elewiyan a Ewropayê dike ji herêma 2'yemîn a Stenbolê de di rêza yekemîn de ye. Nivîskarê elewî Alî Kenanoglu li Stenbolê (hêrema sêyem, rêza 4'an) hatiye nîşandayîn.

Berendamên komên etnîkî

Ji komên etnîkî yên ermen Karabet (Garo) Paylan Murat Mihçi di lîsteyê de cih girtine.

Ji êzîdiyan Feleknaz Uca (ji Amedê), Ali Atalan (Ji Batmanê) hatine nîşandayîn ku her du jî dê bêne hilbjartin.

Ji suryaniya ligel mebûsê HDP'ê Erol Dora, nûnerê Mihelmiyan  Mehmet Ali Aslan hene. Her du jî di rêza ku dê bêne hilbijartin de ne.

Ji Caferiyan Kizmak Turkaalî, ji çerketan Metin Kiliç, ji romanan Sedat Zimba û hwd di lîsteyê de cih girtine.

Ji tevgera çepgir hin berendam

Ji tevgera çepên tirk jî gelek berendam hene ku ji van hin sedî sed têne hilbijartin. Hin ji van ev in:

Mahmut Menduh Uyan (yek ji avakarên Dev-Yolê, ji Enqereyê herêma duyem, rêza yekem de). Dîsa Saruhan Oluç, Figen Yuksekdag, Ertugrul Kurkçu, Ridvan Turan (Serokê SDP'ê yê berê), Sirri Sureyya Onder hin ji wan in.

Her wiha biraziyê yek ji pêşengên PKK'ê Kemal Pîr Ziya Pîr ji Amedê hatiye nîşandayîn ku ev yek ji bo bîranîna Kemal Pîr hatiye kirin.

**

- Vaye lîsteya berendamên HDP'ê yên mebûsiyê