Berlin
Hevserokê HDP'ê Selahattin Demirtaş got divê bi rihê seferberiyê xwedî li Kobanî bê derxistin û got: "Îro roj roja parastina Kobanî, di çarçoveya Kobanî de roja parastina rûmeta me, pêşeroja me ye." Demirtaş bang li gel kir ku bi awayekî xurt beşdarî çalakiya li Sirûcê bibe.
Demîrtaş bi telefonê beşdarî nûçeyên Stêrk TV bû. Demirtaş silav li berxwedana YPG û YPG'ê kir û got: "Em dixwazin silavan li wan lehengên ku li Rojhilata Navîn li hemberî hovên DAIŞ'ê ber xwe didin. Ew li wê derê bi derfetên kêm dîrokê dinivîsin."
Demirtaş got ku çekên ku DYA û Rusyayê şandin Iraq û Sûriyeyê bi aweyekî ketin destê çeteyên DAIŞ'ê. Demirtaş diyar kir ku ji bo çek bikevin destê DAIŞ'ê, lojîstîk, mîlîtan ji bo wan here rê li ber DAIŞ'ê vekiriye.
Hevserokê HDP'ê Selahattin Demirtaş got ku berê jî êrîş li hemberî Kobanî pêk hatiye û wisa dom kir: "Bi berxwedaneke lehengî wan çeteyên DAIŞ'ê bi paş ve şandin. Niha çeteyên ku li ber Misûl, Hewlêr, li Mexmûrê hatine rawestandin li Kobanî dixwazin Kantona Kobanî têk bibin, di şer de serdestî bi dest bixin û serketinên Rojava têk bibin. Ev yek destkeftiyên hemû Kurdistanê tehdîd dike. Di serî de Hewlêr, ji Rojhilat heta Bakur gere hemû gelê me ji bo Kobanî li ser piyan be. Bi taybetî ciwanên Bakur, ligel tirk, kurd, hemû şoreşger li ku dibin bila bibin miheqeq divê bi aweyekî ku li cem Kobanî ne xwe vesaz bikin."
Demirtaş got ku divê gel bi awayekî xurt here çalakiya Sirûcê, her wiha xwest yên derfetên wan hebin di eniyê de jî cih bigirin. Demirtaş got ku li Rojava serketina bê bi destxistin li dinyayê dê serketinên Rojava bibe rewşeke meşrû, DAIŞ'a ku li wir bê şikênandin jî ev yek dê ne têkbirina DAIŞ tenê be û ev yek lê zêde kir: "Ev yek dê bê wê wateyê ku Ligel Tirkiye, Erebistana Siûdî, Katar têkÇûna hemû hêzên li pişt DAIŞ'ê ne."
Selahattin Demirtaş gok du gelê me dê sînor bigire, nehêle hov ji wir derbas bibin û ji bo HDP'ê jî got ku ew dê bi hemû hêz û derfetên xwe pişta Kobanî bin. Demirtaş çûyîna xwe ya DYA'yê ya hefteya pêşiya me jî bibîr xist û got ku ewê li wê derê jî bikevin nav hin dan û standinan.
Nûçeyên eleqedar:
- Şer li kîjan aliyê Kobanî didome?