Diyarname

Kongreya Neteweyî ya Kurdistanê (KNK) bal kişand ser êrîşê DAIŞ ên li Kobanî û bang li gelê kurd, hêzîn derve yên humanîter kir.

KNK di daxuyaniya xwe ya nivîskî de piştî bal kişand ser rizgarkirina Kobanî û dûre Efrîn û Cizîrê û got ku  Kobanî sengera berxwedana dastanî ya xelkê me ye li rojavaya Kurdistanê ye.

Di daxuyaniyê de hate gotin ku ”parastina Kobanîyê karekî jîyanî ye, berxwedana man û nemanê ye û wisa dom kir:  “Kurd û Kurdistanî pêkve divêt parastina Kobanîyê wekî çeperê li ser pêya manê bibînin û li goreyî wê pozisyonê werbigirin. Kobanî divêt nebe Şengala duyemîn. Xemsarîya di vî warî da dê digel xwe felaketeke mezin bîne ku pêkve Kurd û Kurdistanî dê ji encameke wisa zerarê bibînin. Mûsîbeta Şengalê dîvêt bo hemû dînamîkên neteweyî û niştimanî yên Kurdistanê dersdêr be û di parastina Kobanîyê da bibe nimûneya berxwedanê.

Parastina Kobanîyê, parastina Rojavaya Kurdistanê ye, parastina destkevtên Kurdan e, parastina Başûra Kurdistanê ye ku hêj jî gefa DAIŞê ya li ser Başûra Kurdistanê kêm nebûye. Parastina Kobanîyê parastina giyanê Kurdî û Kurdistanîyê ye. Li ber rika dagîrîya DAIŞê ya li ser Kobanîyê xelkê me jî divêt rika berxwedan û parastinê di dereceya herî bilind da nîşan bide û ji bo parastina Kobanîyê seferber bibe.”

KNK bangî hemû Kurd û Kurdistanîyan kir ku karê parastina Kobanîyê wekî erkekî neteweyî û niştimanî bibînin, îmkan, hêz û şiyanên xwe bi rengekî koordîne bi kar bînin û bibine hevçeper li dora Kobanîyê.

Her wiha KNK’ê bang li cîhanana humanîter û demokratîk jî kir û wisa got: “Trajedîya Şengalê ya gelek taze ji bîr nekin û bi lez biçin hawara xelkê Kobanîyê û ji her alî ve destekê bidinê. Parastina Kobanîyê herweha parastina jîyaneke sekular û demokratîk e. Aqûbeta Kobanîyê divêt wekî ya Şengalê nebe û Kobanî divêt bête parastin. Parastina Kobanîyê dê bi xwe ra hêz û enerjîya rizgarîya Şengalê jî bîne.”

Li Kobanê tangek û 2 erebeyên doçka hatin şikandi

Her wiha li ser pevçûnên li Kobanî YPG'ê nûçegîhanê ANHA'yê ragihand ku YPG'ê nêzî gundê Dugiman li hemberî çeteyên DAIŞ'ê çalakî li dar xist. Di çalakiya li dor saet 17.30 li dar ket de tangek û 2 erebeyên li ser çekên doçka hebûn şikenandin û gelek çeteyên di vê tangê û ereseyan de hatin kuştin.

Li gundê Dugiman, Boraz û Iwênê ku li aliyê rojavayê Kobanî ne pevçûnên gur didomin.