QAMIŞLO

Qamişlo û derdora wê ji aliyê çeteyan ve bi topên hewanê hat topbarankirin. Di encama 10 topên hewanê de 5 welatiyan jiyana xwe ji dest dan ku ji van 3 zarok in û 4 kes jî birindar in. Her wiha 2 hawan li bajarê Nûsêbinê jî ketin. 

Nûçegihanê ANHA’yê ragihand ku bajarê Qamişlo û derdorê wê ji aliyê kesên ne diyar ve tê topbarankirin. Di encama van topbaranan de zarokê bi navê Ehmed Şahdî Hepsî yê 3 mehî û Rama Şahdî Hepsî yê 3 salî jiyana xwe ji dest dan ku ew koçberên Helebê bûn; bav û dayika wan jî birindar bûne.

Her wiha welatiya bi navê Şîlan Hesen Îbrahîm ya 24 salî jiyana xwe li dest da û dayika wê Suîla Osman û Amar Wehid birîndar in.

Dîsa Hevseroka Bajarê Nisêbînê Sadiya Kaya ji bo nûçegihanê AHNA’yê ragihand ku 2 topên hewanê li Nisêbînê ketine û ziyanên madî çêbûne.