Cemil Oguz

Weqfa Çand û Hunerê ya Stenbolê (ÎKSV) ev nêzî nîv sedsalek e Festîvala Muzîkê li dar dixe. ÎKSV îsal 47'emîn car dê Festîvala Muzîkê ya Stenbolê li dar bikeve. 

Ji bo eşkere kirina bernameya festîvalê li Salona Konferansê ya Rektoriya Zanîngeha Bogazîçî ku salonek dîwarên wê tije bi refên pirtûkan e civînek hat lidar xistin. Serokê Lijneya Rêveberî ya ÎKSV'ê Bulent Eczacibaşi, Serokê Koma Meclisa Rêveberiya Elginkan û  E.C.A. Presdokumê Gaye Akçen (wekî sponsor), CÎgira Serokê ÎKSV'ê Yeşim Gurer Oymak û Dîrektora Festîvala Muzîkê ya Stenbolê Efruz Çakirkaya wekî axifger beşdarî civînê bûn.

Serokê ÎKSV'ê Eczacibaşi got ku di nav bernameyê de gelek ciwanên jîr, solîst, orkestrayên meriz, berhemên muzîkê yên klasîk hene û wisa dom kir: "Festîvala ku dê muzîk, çand û hunerê, jiyana ronî bi me bide jiyandin bi hemû rengîniya xwe li benda me ye."

'Mezinkirina başî û dilşadiyê'

Akçen jî di axaftina xwe de idayr kir ku ew wekî Civata Elgînkan her dixwazin ligel huner, hunermend û hunerhezan biin, bi vê yekê rê li ber xweşikiyan vekin, piştgirî bidin pêşketina hunerê loma ev 4 sal in piştgirî didin Festîvala Muzîkê. Akçen wisa dom kir: "Bi hev re emê başî, dilşadî, ronahîbûnê mezin bikin. Emê piştgiriya xwe ya ji bo huner, perwerdehî, çand û aboriyê bidomînin. Dema ku em van yekan bikin emê ji hêza rêwîtiya ronî ya muzîkê sûde bigirin."

"Tarîtîya Hebûnê, Ronahiya Hebûnê"

Dûre Dîrektora Festîvalê Feyruz Çakirkaya axivî û bernameya festîvalê bi mêvanan da nasîn. Festîval îsal bi diruşma "Tarîtîya Hebûnê, Ronahiya Hebûnê" li ser dualîbûna disekine û berheman pêşkêş dike. Festîval dê 11'ê meha pûşperê dest pê bike û heta 30'yê mehê bidome. Di vê demê de ji muzîka Barok heta hunera bestekarên mezin ên sedsala 20'an, ji cazê heta muzîka klasîk li dor 150 berhemî di 22 konseran de dê derkeve pêşberî muzîkhezan. Muzeya Aya Îrînî, Albert Long Hall a Zanîngeha Bogazîçî, Salona Konseran a Îş Sanatê, Salona Lutfi Kirdar, Muzeya Rahmi M. Koç, Operaya Sureyya, Zorlu PSM, Kapaliçarşi û Sînagoga Neve Şalom Sinagogu dê ji bo konserên festîvalê mazûvanî bikin.

Xelata rûmetê û ya Serketinê

Festîval êvara 11'ê pûşperê bi konserek dê dest pê bike. Orkestraya FLarmonî ya Tekfenê di bin rêveberiya şef Aziz Shokhakimov de dê li Salona Kongre ya Lutfî Kirdar derkeve pêşberî temaşevanan û festîvalê bide dest pê kirin. Her wiha heman şevê festîvala dê Xelata Rûmetê bide şev Prof.Rengin Gokmen. Şefê orkestrayê Gokmen, Dîroktorê Muzîkê yê Gşitî yê Orkestraya Senfonî ya Serokomarî û Hîndekarê Konservatuara Dewletê ya Zanîngeha Hacettepeyê ye. Festîvalê îsal ew hêjayî Xelata Rûmetê dîtiye.

Her wiha festîval Xelata Serketinê ya di Hemû Jiyanê de jÎ dê ibde Yuri Bashmet Rojnameya The Times ji bo Bashmet wisa nivîsîbû: "Di nav muzîkarên dinyayê yên dijÎn de tu şik nîn e ku ew yek ji wan ê herî mezin e." Yuri Bashmet ku hem wekî şef, hem wekî solîst beşdarî gelek orkestrayê dinyayê bûye dê 20'ê pûşperê êvarê di konsera li Aya Îrînî de xelata xwe bigire. Bashmet ligel Solîstên Moskovayê wê şevê dê hem konserê bide hem xelata xwe bide. Bashmet di sala 1992'yan de ligel xwendekar^ne ji Konserwatuara Moskovayê mezûn bûbû orkestra ava kiribû. Ji wê rojê de heta niha wî ligel wê orkestrayê li pênc parzemînan ji 55 welatan zêdetir bi ser 2000 hebî de konser pêşkêş kiriye. Her wiha bi vê orkestrayê wan Xelata Grammy girt ku ew bûn yekemîn orkestraya ode ya rus.

Konserên ji bo gel

Di dawiya hefteyê 15'ê mehê saet 11'an de li Bexçeya Ofîsa Çanda Avusturyayê, 29'ê mehê saet 11'an de li Meydana Kûleya Galatayê konser bê pere bêne pêşkêş kirin.

Jinên Navdar ên pêşerojê

Di beşa Jinên Navdar ên Pêşerojê de festîval dê piştgiriyê bide muzîkarên jin ên ciwan. Yên bixwazin heta 15'ê adarê divê serîlêdana xwe çêbikin. Juriya vê beşê di bin rêberiya Cîgira Serokê Giştî yê ÎKSV'ê muzîkolog Yeşîm Gurer Oymak de ji hunermendê kemanê û şefê orkestrayê Hakan Şensoy, hunermendên piyanoyê Ufuk û Bahar Dorduncu, klarnetjen Ayşegul Kirmanoglu, bestekar Ozkan Manav pêk tê. Ewê nirxandinê bikin û 15'ê avrêlê yên serketî eşkere bikin.

Konsera dawî

Festîvala bi konsera Fazil Say û Orkestraya Flarmonî ya Şangay bi dawî bibe. Şef Liang Zhang ji asal 2008'an ve vê orktestrayê bi rê ve dibe. Di vê konserê de Say dê 3'yemîn Konçertoya Piyano ya Beethoven pêşkêş bike.

Ji bo agahiyên zêdetir:

muzik.iksv.org