DIRBÊSIYÊ

Dermanên ku ji aliyê Tevgera Jinên Azad û Demokratîk (DOKH) a Bakurê Kurdistanê ve ji bo Rojavayê Kurdistanê hatibû şandin, hatin belavkirin.

Derman ji aliyê Heyva Sor a Kurd ve li welatiyên Amûdê, Qamişlo, Til Temir û Serêkaniyê yên ku pêdiviyên wan a lezgîn heye, hatin belavkirin.

Rayedarên Komîteya Xizmetan a Desteya Bilind a Kurd dan zanîn ku dê madeyên xwarinê û şîrê zarokan jî ku li gel dermanan hatibûn şandin, li malbatên xizan û kesên ku pêdiviya wan heya belav bikin.

Alîkariyên ku ji aliyê Rêxistina Jinên Azad û Demokratîk a Bakurê Kurdistnê ve hatibû şandin, 8 rojan li Deriyê Sînor ê Dirbêsiyê ji aliyê raydarên Tirkiyê ve hatibû rawestin. Piştî xwepêşandan û nerazîbûna şêniyên Dirbêsiya Bakur û Rojavayê Kurdistanê rayedarên Tirkiyê neçar mabûn ku rê bidin derbasbûna alîkariyan.

ANHA