Diyarname
Amedsporê serê salê tîm teslîmê teknîk dîrektor Mehmet Altiparmak kiribû, niha peyman betal kir û ew şand.

Amedspor îsal di 8 maçan de ligel teknîk dîrektor Mehmet Altiparmak derket sehayê. Di 8 maçan de 4 serketin, 3 têkçûn û di maçek de jî wekhevî çêbû. Bi vê encamê Amedspor di rêza 7'an de bi 13 pûanan cih digire. Ji hemû tiştî zêdetir jî di maçên ku hemû temaşevanan li bendê bûn Amedspor bi ser bikeve de têk çû. Piştî maça Sakaryayê, di maça vê hefteyê de jî Amedspor li hemberî Vansporê têk çû. Loma jî klûb û heyeta teknîk dîrektor hatin ba hev, biryara betalkirina peymanê dan.

Niha Amedspor dê li teknîk dîrektorekî bigere.

MAÇÊN AMEDSPORÊ
Amedspor ku bi diruşma şampiyonê û çûyîna Lîga Super îsal jî dest bi lîgê kir, niha ji vê hinek dûr e. Lê gelek maç li pêş hene. Li gor bernameyê Amedspor roja 4'ê mehê wê wê li mala xwe Keçîorengucu bike mêvan. Dûre 19'ê mehê di Kûpaya Tirkiyeyê de wê Antalyayê û ligel Serîksporê bilîze. Paşê serê meha pêşiya me, 2'ê mehê wê here Manîsayê.