Diyarname
Îro ji bo kurdên Bakur ên ji fûtbolê hez dikin rojeke taybet bû, ji ber ku îro roja derbiyê bû. Cara yekê bû derbiyeke wisa lidar dike; Li Wanê Vanspor û Amedspor hatin hemberî hev. Vanspor bi ser ket.

Amedspor û Wanspor di Lîga 1'emîn a Tirkiyeyê de dilîzin. Di dawiya hefteya 7'an de Amedspor xwediyê 13 pûanan, Vanspor xwediyê 9 pûanan bû. Û maça hefteya 8'an hat lîstin. 
Heta niha Amedspor û Vanspor di vê lîgê de, di asteke wisa jor de qet nehatibûn hemberî hev. Ev cara yekê bû tiştek wisa dibû û cara yek bû derbiya kurdan a Bakur li dar dike loma jî heyecana fûtbolhezên kurd bilind bû.

Maçê bi vê heyecanê dest pê kir. Di nîveka yekemîn de her du tîman jî nekarîn golek an jî golan biavêjin û loma bi 0-0'ê bi dawî bû.

Di nîveka duyemîn de Vanspor serdest bû. Vansporê di deqîqeya 64'an de bi gola Francesc Regis bi 1-0 derket pêş. Di deqîqeya 84'an de Bekir Can Kara, deqîqeya 90+7'an de jî Medeni Bingol gola Vansporê avêt û bi 3-0'ê Amedspor destvala şand mal.

Bi vê encamê Amedspor bi 13 pûanên xew li cihê xwe, di rêza 7'an de ma, Vanspor bi 12 pûanan derket rêza 9'an.