HELEB

Ji bo 8'ê Adarê Roja Jinên Keddar a Cîhanê, Kongra Star û Tevgera Çanda Jinên Hîlala Zêrîn ên Helebê şevbuhêrkeke folklorîk li dar xist. Di şevbuhêrkê de stran strîn; xwarin hat pêşkêşkirin.

Çalakî li Taxa Şêxmeqsûd a Helebê li dar ket. Li holê xalîçe û hin kelûpelên folklorî û kultûrî hatin danîn.

Di çalakiyê de bi sedan jinên taxê, saziyên sivîl û partiyên siyasî bi cil û bergên xwe yên kurdî amade bûn.

Di çalakiyê de xwarinên gelêrî yên herêma Efrînê ku ji aliyê jinên beşdar ve hatibûn çêkirin, hatin pêşkêşkirin. Xwarinên wekî boranî, hevîr, sermîsak, şîşperek, danik, kardî û kufte û hwd hatin çêkirin.

Her wiha komên Tevgera Hîlala Zêrîn stranên folklorîk pêşkêş kirin.