Cemil Oguz
19'emîn Festîvala Fîlmên Karkeran a Navneteweyî îsal di navbera 1-8'ê mehê de li dar dikeve. Li Stenbolê wê li Sînemaya Beyoglu, li Enqereyê jî li Dogan Taşdelen Çagdaş Sanatlar Merkezi merasima destpêkirinê li dar bikeve. Nîşandayînên wê yên online jî hene.
Festîvala Fîlmên Karkeran "ji bo balê bikişîne ser têkoşîna çînî, wekhevî û dinyayeke bi adil û vê mîrateyê ragihîne nifşên nû" li dar dikeve. Her sal piranî fîlmên li ser karkeran, kedê, fîlmên li ser mafên mirovan nîşan dide. Festîvala ku ji aliyê hin saziyên sivîl ve tê lidarxistin û fîlm bê pere têne nîşandayîn. Îsal pêşî li Stenbol û Enqereyê ye, dûre di nav salê de diçe bajarên din jî.
1-8'Ê MEHÊ LI STENBOL Û ENQEREYÊ YE
Festîvala Fîlmên Karkeran li du bajaran di navbera 1 û 8'ê gulanê de li dar dikeve. Fîlmên di festîvalê de bê pere têne nîşandayîn. Li her du bajaran jî 2'yê mehê merasima destpêkirinê li dar dikeve. Li Enqereyê wê belgefîlmê derhêner  Nejla Demirci "Kanun Hukmu" (Hukmê Zagonê) wekî fîlmê destpêkê bê nîşadayîn. Li Stenbolê jî fîlmê Ken Loach "The Old Oak" (Hêviya xwe winda neke) bê nîşandayîn.
FÎLMÊN KURDÎ
Ji Tirkiye û derveyî Tirkiyeyê gelek fîlm û belgefîlm hene. Di nav van de hin ên bi kurdî jî hene. Fîlmê "Sar" (derhêner Adar Baran Deger), "Stêrka li ser Xetê" (Derhêner Bêrîvan Saruhan), "Serpêhatiyên Neqewimî" (Derhêner Ramazan Kiliç), "Ewê Çend Roj Be" (Derhêner Abdullah Çeper), "Wergerandina Ulysses" (Derhêner Firat Yucel, Aylin Kuryel), "Koçer" (Derhêner Selim ALan), "Bavul" (Derhêner Yener Akbaba), "Distan" (Derhêner Abdurrahim Karabulut, Mahsum Celayir)
KONSERA KARDEŞ TURKULER
Di çarçoveya festîvalê de li Stenbolê, 8'ê mehê bi navê "Konsera Bila Filistîn Bijî" li dar dikeve. Konsera ku Kardeş Turkuler dê pêşkêş bike, li CRR'yê saet 20.00'an de li dar dikeve.
GOTÛBÊJ-PANEL
Di festîvalê de piştî fîlman ligel derhêneran li salonan pirs û bersiv lidar dikevin lê ji bilî van hin gotûbêj û panel jî hene. Li Stenbolê 3'yê mehê (Saet 17.00) li Aynali Geçîtê dê belgefîlmê "Kanun Hukmu" bê nîşandayîn û piştî wê bi beşdariya derhênerê belgefîlmî Nejla Demirci, Guliz Saglam û akademisyen Dr. Sonay Ban panelek bi navê "Li festîvalan sansur" li dar bikeve.
10'ê mehê (saet 19.00) jî li heman cihê dê panela bi navê "Li sînemayê aqilê jîrî" li dar bikeve. Derhêner Deniz Tortum, Derhêner, nivîssar, akademisyen Ferhat Zengin û senarîst Bariş Erdogan dê beşdar bibin.
SALONÊN SÎNEMAYÊ
Li Stenbolê li Beyogluye li Sînemaya Beyoglu, Navenda Çanda Fransiz û Aynali Geçit li Kadikoy jî li Nazim Hikmet Kultur Merketi, TAK (Tasarim Atolyesi Kadikoy) û Navenda Çanda Bariş Manço fîlm têne nîşandayîn.