Diyarname
Hunermendê mezin Mihemed Mamlê ku 1999'an de wefat miribû û gora wî li Mahabadê ye, rastî êrîşa texrîbkirinê hat. Hinan boyaxê reş bi ser gor de rijandin û ew reş kirin. Nayê zanîn kî wisa kiriye. Ev kirin nav tora civakî gelek belav bû û hat şermezarkirin.
Mamlê kî ye?
Bilbilê Mûkriyan û hostayê mezir Mihemed Mamlê di sala 1925'an de hatiye dinê. Mamê roja 23.01.1999'an li Mehabadê wefat kiriye. Wî di biçûkatiya xwe de ji bavê xwe hînê stranan bû. Gelek stranên wî aîdê bavê wî Seîd Mamlê ne.
Ew yekem strana xwe di sala1939’an bi navê "Her derwa be cêm dêlê" dixwîne ku hê 14 salî ye. Paşê dest bi berhevkariya stranên folklorîk dike û li gor xwe dixwîne. Di dema Komara Kurdistanê de Mamlê ciwan û nûgehiştî bû û endamê Koroya Marşên Neteweyî bû. Wê demê di koroyê de sirûdek bi navê "Xuwaye weten awakey" gotibû.
Tê gotin ku li dor 700 stranan wî tomar kirine. Di nivîseke xwe de Hêmin Mûkriyanî li ser Mamlê de wiha dibêje:“Lew demey da giwê heldexen bo tarê / lew demey da (Mamlê) delê qetarê
Yadim biken, yadî minî dûr welat / Yadî minî rêbwarî rêgay xebat.”
Ji sala 1994’an û pêde nexweşîya Alzaymêr anku (xwejibîrkirinê) sal bi sal hunermendê hest nazik M. Mamlê ji jiyana civakî dûrxist.
Mamlê roja 23.01.1999'an wefat dike û rojek paşê bi deh hezaran kes li Mehabadê bi merasimek cenazeyê wî defin dikin.
(Di nivîsandina vê kurtejiyanê de me ji nivîsa Kakşar Oramar a di e-rojnameyê de sûde wergirt)
Gora Mamlê piştî êrîşê bi vî awayî bû.