Diyarname

Mebûsê HDP'ê yê Amedê Garo Paylan îro li Meclisa Tirkiyeyê li ser êrîşa li hemberî Amed Sporê axivî.

Paylan got ku erdhej çêbû, em di şînê de ne û wisa dom kir, "Li Anadoluya me, li Tirkiyeya me kevneşopî heye, 40 roj şîn digirin. Ger li avahiyeke cenaze hebe 40 roj şîn tê digirin. Lê hevalno, rojên berê di maça Bursa û Amed Sporê de bera nav şîna me dan. Bi provakasyoneke bi rêxistinkirî ev yek kirin mixabin. Divê Bursa Sporê bi pankarta 'Derbasî be Amed Spor' pêşwazî bikira lê provakasyoneke bi rêxistinkirî derket meydanê û bi vê fotoyê (fotoyên dema dema nîşan dide) ew pêşwazî kirin. Wêneyê erebeyên Torosên Spî ku sembola salên 1990'î ne vekirin û kêr, gule avêtin, bi çetelastikan kevir avêtin lîstikvanên Amed Sporê, bi hezaran madeyên biyanî avêtin."

Paylan got ku rojek berê li ber otelê provakasyon çêkirine û ev yek lê zêde kir "Em daxuyaniyek didin walîtî, midûriyeta emniyete ku bi hezaran polîsan dişînin li wir çi dikin? Rê li ber nagirin, rê din wan. Ligel ku erebeyên emniyete li wir in jî pêşî li wan nagirin. Dest nadin wan. Em li rayedarên Wezareta Karên Hundir geriyan, em li rayedarên sporê, li yên federasyonê geriyan, me got bikevin nava tevgerê, lê tu tiştek nekirin."

Mebûsê HDP'ê Garo Paylan got ku kes nikare bi me bide bawerkirin ku ew tenê komek nijadperest bûn, teqez li pişt vê hêzên tarî hene û desthilatdarek ku vê tarîtiyê ronî nake heye.

Li aliyê din Mebûsê HDP'ê Garo Paylan formaya Amed Sporê jî derxist û li hemberî gotina Devlet Bahçeli ku gotibû "Amed tune ye" got, "Amed heye, Amed Spor jî heye. Diyarbekir jî ê me ye, Amed jî e me ye. Werin vê lîstikê em bi hev re xira bikin."

Paylan 9 kesên ji ber vê bûyerê hatibûn binçavkirin jî bibîr anî û got ku piştî Devlet Bahçeli got, ew hatin berdan, niha emê çawa li dadgehê binêrin.

***

Nûçeya Eleqedar:

- Girseyê pêywazî li Amed Sporê kir 

- Banga DKKDP li ser maça Amed û Bursayê 

-Êrîşa li ser Amed Sporê / hemû bûyerên rojê

Vîdeoya vê axaftinê :