Diyarname
Vê carê welatên wekî Almanya, Azarbaycan, Danîmarka, Hollanda, Îngilistan, Komara Îrlanda, Spanya, Skoçya, Îtalya, Macaristan, Romanya û Rusya bi hev re mazûvanî ji bo Tûrnûvaya Euro 2020 dikin. Ji bo tûrnûvayê firotina bilêtên maç hat ragihandin û ji 213 welatan bi temamî 19.3 mîlyon kesî ji bo kirîna bilêtan serî lêda. Ev yek rekorek bû ji ber ku du qat zêdetir daxwaza di tûrnûvaya 2016'an de hat kirin. Ji bo kesên serî lê daye dê pişke bê kişandin û ji nav van di gava yekemîn de dê bilêtan bifroşin mîlyon û nîv kesî.
Tûrnûvaya Euro 2020 di navbera 12 pûşper - 12'yê tîrmeha 2020'an de dê li dar bikeve û maça fînalê jî li Stada Wembley dê bê lîstin. Tenê ji bo temaşekirina vê maçê 1.9 mîlyon kesî ji bo bilêtê bikirin serîlêdan kiriye. Ev hejmar bi qasî 22 qat asta hejmara temaşevanên li stadê ye.
Maça destpêkirina tûrnûvayê jî dê li Stada Olîmpiyatê ya li Romaya Îtalyayê li dar bikeve û ji bo vê maçê jî 540 hezar kesî ji bo kirîna bilêtan serî lê daye.
Îsal 60'emîn salvegera destpêkirina Tûrnûvaya UEFA'yê ye loma ne tenê welate 12 welat ji bo tûrnûvayê mazûvanî dikin.
Di 30'ê berfanbara 2019'an de ji bo tûrnûvayê dê pişke bê kişandin û wê demê dê duyemîn serdema firotina bilêtan çêbibe. Di meha berfanbarê de jî dê mîlyonek bilêt li welatên beşdarî tûrnûvayê dibin bikin.