Diyarname

Nivîskar Salman Ruşdî îro li eyaleta New Yorka DYA’yê beşdarî çalakiyeke bûbû, berî çalakî dest pê bike kesek bi kêr êrîşê wî kir û birîndar kir.

Navenda Polîsan a New Yorka DYA’yê ragihand ku Ruşdî dê li Enstîtuya Chautauqua konferanseke pêşkêş bikira lê berî konferasê kesek derketiye ser dikê û kêr li stûyê Ruşdî daye.

Salman Ruşdiyê bi helîkopterê rakirine nexweşxaneyê. Lê heta ev nûçe hat belavkirin jî der barê rewşa wî de tu agahî nehatin belavkirin. Kesê êrîşkar hatiye binçavkirin.

Salman Ruşdî kî ye?

Nivîskar Salman Ruşdî di sala 1947’an de li Hindistanê hatiye dinê. Niha hemwelatiyê Îngilistanê ye. Di sala 1980’ê de bi navê “Ayetên Şeytanê” pirtûkek nivîsandibû û li cihana misilmanan bûbû sedema reaksiyonê. Bi îdîaya "pirtûk heqaretê li Hz. Mihemed dike" li gelek welatan hatibû qedexekirin. Îranê fitwaya kuştina wî derxistibû.

Bi taybetî li Îranê û li welatê wî Hindistanê li hemberî wî nerazîbûnên mezin çêbûbûn lê gelek welatên dinyayê eleqe nîşanî pirtûkên wî dabûn û ew xelat kiribûn. Îngilistanê jî di sala 2007’an de nîşaneya şovelyetî dabû wî, ku Malbata Qraliyeta Îngilistanê vê xelatê dide.