Diyarname
Komeleya "Judisk Kultur i Sverige" (Çanda Cihû li Swêdê) ji sala 2018'an ve xelata bi navê Xelata Gilel Storch dide kesek, îsal karsaz Osman Kavala layiqê vê xelatê dît.

Kavala ev nêzî 8 salan e li Tirkiyeyê girtî ye. Vê saziyê Kavala bi gotina li nav civaka sivîl a tirk û li nav jiyana çandê xwedî asteke bi hurmet e bi nav kir û ew layiqê xelatê dît.
7'ê rezbera îsal li Salona Konserê ya Stockholmê bi merasime wê xelatê bidinê. Li ser navê Kavala jina wî Ayşe Bugra wê xelatê qebûl bike.

Gilel Storch ku bi navê wî xelatê didin di navbera salên 1902-1983'yan jiyaye. Ew li Letonyayê hatibû dinê, di Şerê Cîhanê yê Duyemîn de xwe spartibû Swêdê. Ji ber ku bi hewla wî gelek cihû ji Holokostê rizgar bûne, ew wekî kesekî rêzdar tê ditin.

Li ser navê wî cara yekê ev xelat dan Serkomarê Almanyayê Joachim Gauk. Par jî ev xelat dabûn Serokdewletê Ûkraynayê Volodimir Zelenski.