Diyarname
Derenceyeke heye ku zemanek qatên diduyan û sisêyan ên Kûleya Eyfelê digihand hev. Ew derence niha di mezatê de bi 450 hezar Euroyî hat firotin.

Ev beşa derenceyê ku hate firotin 2,75 metre bilind û 1,75 berfireh e; li ser tiştek wekî xaçê hatiye danîn. Erdazyar Gustav Eiffel di sala 1889'an de Kûleya Eyfelê ava kir û ji bo qada navneteweyî serdan hate kirin. Wê çaxê tenê bi ser vê derenceyê re dikarîn herin jor. Paşê di sala 1983'yan de ev beş jê hate kirin û asansor ji bo çûyîna jor hatin çêkirin. Niha ev derence derket mezatê.

Li gor nûçeya RFI roja 21'ê mehê li mezatxaneya Artcurial li dar ket û derence hat firotin. Hêvî ew bû di mezatê de derence bi buhayek dor 120-150 hezar Euroyî bê firotin lê bi buhayeke ji texmînan mezintir 450 hezar Euroyî hat firotin. Di sala 2016'an de beşeke dişibiya vê derenceyê bi 523 hezar û 800 Euroyî hatibû firotin.

Piştî li Eyfelê asansor hatin çêkirin nêzî 20 beşan hatin jêkirin. Ew parçe hatin firotin û gelek parçe ketin nav koleksiyonên taybet. Niha hin parçe li Muzeya d'Orsay, hin parçe lli bexçeyê Weqfa Yoishii ya li bajarê Yamanashi ya Japonyayê û hin jê jî li nêzî Abîdeya Azadiyê ya li New Yorka DYA'yê ne.