Diyarname

Qeybî Komanê Lîga Şampiyonan a UEFA eyro Stenbolê de pişke hamî antişî. Di 8 koman de 32 tîmê reqîbê jobînî eşkera bî.

Di encamê pişke de enî tîmî kewtî miyanê koman û bî reqîbê jobînî eşra bî. Di Koma A de di tîmê pîlî Manchester City û PSG, di Koma E de zî reyna di tîmê pîlî Bayer Munih û Barselona bî reqîbê jobînî.

Encamê pişke bi eno awayo:

- Koma A: Manchester City, Paris Saint Germain, Leipzig, Club Brugge

- Koma B: Atletico Madrid, Liverpool, Porto, Milan

- Koma C: Sporting Lizbon, Borussia Dortmund, Ajax, Beşiktaş

- Koma D: İnter, Real Madrid, Shakhtar Donetsk, Sheriff

- Koma E: Barselona, Bayern Munih, Benfica, Dinamo Kiev

- Koma F: Villarreal, Manchester United, Atalanta, Young Boys

- Koma G: Lille, Sevilla, Salzburg, Wolfsburg

- Koma H: Chelsea, Juventus, Zenit, Malmö

Di koman de maçê verînî rocanê 14-15'ê îlonî dest pa kenê û 7-8'ê berfanbarî de temam benê. Di tîmî di kome de bibê yewîn û diyin go derbasê Dewrey 16'inan bibê. Tîmo ke bibo hîriyin go derbasê Lîga Ewropa ya UEFA bibo û tîmo çarin ageyro kê xo.

Maçey fînalê Lîgey Şampiyonan go rocê 28'ê gulanê 2022'yinan de Stadê Saint Petersbûrgê Rusya de bêro kaykerdişî.

Di Lîga Şampiyonan de emsar tîmê îngilîz Chelsea bi ser kewt bî û kûpa berdebî kê xo.