Diyarname
Di çalakiyên ji bo Kobanî de îro li Amed û Misircê 2, li Qoser û Gimgimê kurdekî, bi giştî 6 kurd hatin kuştin.
Li hemû bajarên Bakur, li gelek bajarên Tirkiyeyê çalakî û meşên ji bo piştgiriya Kobanî li dar ketin. Li gelek cihan polîsan êrîş kir, li hin cihan polîs û hîzbullah bi hev re...
Li Amedê 2 kurd hatin kuştin
Li Amedê ji duh ve gel li qadan e. Hema hema li her derê Amedê gel li ser piyan bû. Li hin deran alîgirên hîzbullahê li gelek deveran bi çekan êrîşî gel kirin. Li Taxa Xançepek komek endamên HAT-DER derketin ser banî û bi keviran êrîşê gel kirin. Piştî gel bersiv da komê bi çek êrîşê gel kir. Gelek birîndar hene. Ji wan birîndaran kurdekî bi navê Mahmut Enez (bi eslê xwe ji Dêrika Mêrdînê, 55 salî) bi giranî birîndar bû. Enez dema rakirin nexweşxaneyê di rê de wefat kir.
Li Amedê ji dehî zêdetir birîndar hene.
Vê êvarê jî li ser Kolaan Lezgin Avci ya Baglara Amedê endamên Hîzbullahê bi çekan êrîşê gel kirin. Ciwanekî bi navê Suleyman Kaya (19 salî) birîndar bûy rakirin nexweşxaneyê lê Kaya wefat kir.
Li Gimgimê kurdekî hat kuştin
Li navçeya Gimgima Mûşê gel ji serê sibê de ji bo Kobanî dimeşe. Di meşa îro de polîsan êrîşê gel kir, kurdekî bi navê Hakan Buksur (25 salî) jiyana xwe ji dest da.
Piştî vê bûyerê li Gimgimê hêrsa gel bilindtir bû. Li gor agahiyên dawî gel Dibistana Seretayî ya Hurriyet (beşên wê yên din jî), Lîseya Pîşeyê, Navenda Çand û Pêşandanê, PTT û dersxaneya FEM'ê da ber agir. Li temamê navçeyê pevçûn didomin. Tê gotin ku ji gelek cihan polîs anîne navçeyê.
Li Misircê du kurd hatin kuştin
Rêxistina DBP'a Misircê û rêxistina Sêrtê xwestin dauxyaniya çapemeniyê bidin. Lê cerdevanan gule bera gel da. Li navenda Sêrtê 7 birîndar hene. Li navçeya Misircê jî du kurdên bi navê Mehdî Erdogan û Yusuf Çelîk wefat kirin. Birîndar hene.
Li Sêrtê pêdivî bi xwînê heye. Yên bikaribin divê serî li nexweşxaneyan bidin.
Li Wanê kesek bi giranî birîndar e
Li Wanê çalakiyên ji bo piştgiriya Kobanê dest pê kir û li hemû kolan û taxên bajar belav bûn. Di çalakiyan de welatiyê bi navêHamdi Caner (50 salî) bi guleyê li singa wî ket bi giranî birîndar bû. Caner, li ber mala xwe ya li taxa Serhedê birîndar bûbû û ew rakirin nexweşxaneya Taybet Hayatê û ji vir jî şandin Nexweşxaneya Lêkolîn û Perwerdehiyê ya Wanê.
Li Qoserê kurdekî hat kuştin
Li Qoserê jî hin kesên nasname nediyar gule bera çalakvanan dan. Kurdekî bi navê Kerem Karaaslan (22 salî) jiyana xwe ji dest da.