Diyarname

Di maça muhîm a Lîga Duyemîn Koma Sor de Amed Spor li Kastamonuyê mêvan e. Nîveka yekemîn bi 1-0 serketina Amed Sporê bi dawî bû.

Amed Spor di kelehê de Aykut Ozer, bi lîstikvan Oktay Aydin, Veli Çetin, Onur Karakabak, Yilmaz Ceylan, Serkan Odabaşoglu, Mert Çapar,Çekdar Orhan û Berk İsmail Unsal dest bi maçê kir.

Di destpêka maçê, hê di deqîqeya 3'yan de şûta lîstikvanê Amed Sporê Eyup Oskan Amed Spor bi 1-0 derket pêş. Piştî vê heta 45 deqîqeyî Amed Sporê firsendên cidî nedan reqîbên xwe. Lê du firsendên ku Amed Sporê bi dest xistin, nekarîn veguherîne golê.
Nîveka duyemîn dest pê kir. Her du alî bi endaze dilîzin, naxwazin xetayan bikin.
Li Amed Sporê di deqîqeya 60'î de Eyup Oskan, deqe 63'yan de Oktay Aydin qerta zer dît.

Deqe 66 ji Amed Sporê Yilmaz Ceylan derket, Muhammed Enes Durmuş ket maçê. 
Deqe 75'an de Enes Durmuş qerta zer dît.

Deqe 77'a de Mesut Bakkal hemleyek din kir, lîstikvan Eyup Oskan derxist, Erkan Sasa xist maçê; Serkan Odabaşoglu derxist, Taşkin Çaliş xist maçê. Bakkal bi vê aliyê parastinê ya tîmê xurt kir. Bi ser vî fikrî ev guhartin kirin. 
Deqe 82, Berk İsmail Unsal û Çekdar Orhan derketin û Daner Gumuş û Berkay Can Degirmencioglu ketin maçê.

Di deqe 90+1 de Taner Gumuş li ber keleha Kastamonu ligel qelevane wan yek bi yek ma lê nekarî golê biavêje. 
Di deqe 90+6 lîstikvanê Amed Sporê Taner Gumuş ji ber gog neda Kastamonu qertê zer dît.

Di deqe 90+8 hakêm li firfirokê da û 3 pûan ên Amed Sporê ne. Bi vê yekê Amed Spor di rêza yekemîn de bû xwedî 77 pûanan. Kastamonu di 71 pûanan de ma. Amed Spor bi 6 pûanna li pêş me. Mane 3 maç ji bo lîg bi dawî bibe lê ji niha û pêde ne mimkûn e Amed Sporê ji vê gavê ber bi paş ve gav biavêje.

Amed Sporê ligel berxwedana xwe, bi qeleparêz Oktay bi ser ket. Oktay hin gogê Kastamonuyê bi serketî ji qelehê dehf dan û di serketina Amed Sporê de bû xwedî roleke mezin. Li aliyê din teknîk dîrektor Mesut Bakkal bi lîstina parastina kelehê, firsendnerana reqîb roleke mezin di serketinê de lîst. Amed Spor ku di maçên xwe de her li golê difikiriya, îro li ser golnexwarinê fikirî û bi ser ket jî. 

 Bi hezaran kesî li Amedê û li bajarên din li meydanan li maçê temaşe kir.

***

Nûçeya Eleqedar:

- Ji bo maça Amed Spor û Kastamonu îstatîstîk çi dibêjin?