Culemêrg
Hilbijartin nêz dibe. Serbixwe dixwazin her sê mebûsên li Culemêrgê bi dest bixin. Lê li Culemêrgê binçavkirin jî didomin. Tenê îro wekî şaredar û wekîlê serokê BDP'ê jî têde 35 kes hatin binçavkirin. Îdîaya BDP'ê ew e ku hikumet ji niha de dixwaze pêşî li xebatan bigire.
Yekîneyên girêdayî Midûriyeta Polîsan ya Colemergê, di saet 02.00 û 03.00'ê şevê de bi ser "Konê Çareseriya Demokratîk" û malan de girt. Di serdegirtina kon û malan de Wekîlê Seroke Rêxistina BDP'a Culemêrgê Orhan Koparan û Wekîlê Şaredarê Culemêrgê Nurullah Çîftçî ku dema ji lêkolîna gundên Çelê û navenda Culemêrgê yên ji ber lehiyê zirar ditibûn vegeriyan malê û her wiha Serokê Rêxistina BDP'ê yê Navçeya Navendî Kenan Kaya, endam û rêveberên BDP'ê Fahri Kurt, Maruf Engin, Rahmi Temel, Mehmet Yurur, Melek Atan, Faruk Aksaç, Hatice Demir, Abdullah Kiliç, Serokê Meclisa Giştî ya Bajêr Ferzende Yilmaz, Emdamê Meclisa Giştî ya Bajêr Mehtap Daştan Demîrer, Selahattin Kurt, Kadîr Şahîn, keyayê taxa Pehlîvanê Îsa Sakli hatin binçavkirin.
16 kesên ku di serdegirtina malan de hatin binçav kirin birin Midûriyeta Polîsan ya Colemêrgê.
Her wiha dîsa polîsan di hemam demjimêrê de bi ser "Konê Çareseriya Demokratîk" de girt û di serdegirtina kon de welatiyên bi navê Kadîr Çelîk, Ekrem Îdem, Mustafa Îdem, Kasim Temel û kesên navê wan nehat zanîn bi tevahî 15 kes hatin binçav kirin. 15 kesên li kon hatin binçav kirin jî birin Midûriyeta Polîsan ya Colemergê. Sedema kesên hatin binçav kirin nehat zanîn.
Li ser vî yekê Jimarkarê Giştî yê BDP'ê yê berê Salih Yildiz wisa got: "Ji berê de dibin navê KCK'ê de operasyona girtinan didomînin niha yeka din lê zêde kirine. Kurd li hemberî vê zordariyê dê serî netewînin. Heta niha êrîşê çadirên me kiribû û 52 kes hatibûn bin çavkirin. Duh bi şev jî 35 kes hatin binçavkirin. Ev komployek e."