Diyarname
Li cîhana fûtbolê di serdema 2017-2018'an de de maç didomin hê lîg bi dawî nebûne lê li welatên xwe du şampiyon diyar bûn jî. Ji van li Îngilistanê Manchester City (MC), li Hollandayê jî PSV şampiyoniya xwe ragihand.

5 hefte mane MC şampiyon e jî
Di Premier Lîgê de îro maçên dawî yên hefteya 33'yan hatin lîstin. Yekemînê lîgê MC duh Tottenham bi 3-1 têk biribû û pûanên xwe derxistibûn 87'an. Û îro tîma dumeyîn Manchester United li mala xwe li hemberî West Bromwich bi 1-0 têk çû û pûanên wê di 71'ê de man. Bi vê ferq bû 16 pûan. Ji bo bidawîbûna lîgê 5 hefte mane û bi vê encamê MC'ê îro şampiyoniya xwe ragihand. MC herî dawî di serdema 2013-14'an de bûbû şampiyon. Biv ê şampiyoniyê di dîroka xwe de bû cara 5'an dibe şampiyon. Teknîk Dîrektorê MC'ê Pep Guardiola ev serketin anî û di dîroka wî de jî bû 7 caran ku ew tîmên xwe dike şampiyon. Teknîk Dîrektorê 47 salî di kariyera xwe de bû 23 kûpa bi dest dixe.

PSV jî bû şampiyon
Li Hollandayê jî şampiyon diyar bû. Maçên hefteya 31'ê hatin lîstin. Yekemînê lîgê PSV Eindhoven reqîbê xwe Ajaks bi 3-0 têk bir û pûanên xwe derxistin 80'ê. Bi vê yekê berî lîg bi dawî bibe bi 3 hefteyan PSV'ê şampiyoniya xwe ragihand.