Yalçin Dogan*

ROJNAMEGER, lê bi rastî rojnameger zor lê dike:

"Tê gotin ku we li hemberî sivîlan çekên kîmyewî bikar anîn." Cih de bersiva redkirinê tê: "Ev derewên ku terorîstan kirine ne." Rojnameger dest jê berneda: "Wêne hene, qet wekî derew naxuye."

Zilamê li hemberî jî bi paş ve gav navêje, balkêşiyek: "Ger ez sivîlan dikujim, çawa di her hilbijartinê de ez bi ser dikevim?"

Rojnameger bi inyad dipirse: "Rêxistina Tenduristiyê ya Dinyayê, Rêxistina Mafên Mirovan jî têde, raporên saziyan hene, hûn çekên kîmyewî bikar tînin." Yê li hember vê carê bi hêrs: "Li derve li hemberî min gelek komplo têne çêkirin, yên ku naxwazin em pêş bikevin hene."

Beşek ji bersivan gelek nas dixuyin. Şeva çûyî di BBC de hevpeyvînek hebû. Ji BCC pisporê Rojhilata Navîn Bowen ligel dîktatorê Sûriyê Beşar Esad hevpeyvînê dike. Ev hevpeyvîn ji bo rojnamegerên me yên ku dibêjin qey pirsan pirs dikin dersek mezin e.

HÛN DIKUJIN

Bowen tenê rojnameger e, yê li hember dîktator be jî ne li dû ye ku fêdeyê ji yê hember bi dest bixe. Li ser pirsa xulaîfên il Sûriyê Esad vê bersivê dide: "Di demên dawî de zêde tune ne." Bowen qet firsendê ji dest bernade û dibêje: "Ji ber ku hûn wan dikujin."

Esad şaş dibe ku dê çi bike, Bowen ji bombekirina dibistanan mînakan dide.

Esad hêrs bûyî ye; "Emê bi bombekirinê çi bi dest bixin, em çima wisa bikin."

Di dawiya hevpeyvînê de hêrsa wî dadikeve, stûxwar dibe, bi dengek hestiyar: "Ez jî mirov im, bi şev xewa min nayê, jiyan ji bo min jî zehmet e."

Vê hevpeyvînê bigirin, nîşanî şelafên ku di TV'yan de pirsan dikin bi dehan, bîstan caran bidin temaşekirin. Dîsa jî ewê fêm bikin yan na, ez bawer nakim fêm bikin.

LÊ BOWEN

Di dawiyê de çi bi serê Bowen tê? Ma wê çi bê, qeeeet. Ji Esadê dîktator ê ku sedî 89 dengên gel girtine bê çivdayînê raste rast dibêje: "Hûn mirovan dikujin." Ligel ku wisa dibêje Bowen ne tê tewqîfkirin, ne ji Sûriyê tê qewirandin, ne jî Esad wisa bi ser de diqîre: "Tu rojnameger î, yan tu terorîst î." Ne jî Esad giliyê wî li cem gelê xwe û BBC dike.

*Hurriye, 14.02.2015

Werger: Cemil Oguz