Diyarname
Li gor agahiyên hatine belavkirin, hat gotin ku zanyarên ji Zanîngeha Queensland a Avustralya du derman têkilhev kirine, ji vê dermanê vîrusa korona (Covid-19) derxistine holê.
Heta niha li dor 125 welatan vîrusa korona hatiye diyîn. Li gelek welatan xebatên çêkirina dermanê ji bo vê vîrusê xebat hatibûn kirin. Îsraîlê, Belçîkayê ragihandibû ku di sazkirina dermanê de gihîştine asta dawî lê daxuyanî ji Avustralyayê hat. Li gor daxuyaniyê zanyarên wan dermanê koronayê dîtine.
Rêxistina Tenduristiyê ya Dinyayê gotibû ku ji bo dîtina dermanek ji bo vê vîrusê pêdivî bi 18 mehan heye lê dixtorên Avustralyayê ev agahî belav kirin.
Daxuyanî ji aliyê Zanîngeha Queensland ve hatiye belavkirin. Ev zanîngeh li paytexta Brisbane ya Avustralyayê ye û zanîngeha lêkolînê ya dewletê ye. Zanîngeh di sala 1909'an de hatiye avakirin.
Navenda Lêkolînê ya Klînîka Zanîngehê daxuyanî belav kir û gotin wan du derman dîtine. Yek ji wan dermana dermanê ku ji bo AIDS'ê tê bikaranÎn ku zor li HIV'ê dike, dermanê din jî dermanê ku vîna genetîkî li hemberî mêşan xurt dike.
Profesor David Paterson ku berpirsê beşa vê lêkolînê ye diyar kiriye ku ji her du dermanan yek derman saz kirine û ev derman dane kesên vîrusa korona bi wan re heye û vîrus ji holê rabûye. Prof Paterson gotiye ku ev derman dê dermanek bi bondor be û bi lezgînî dê ceribandinên klînîkî bêne kirin. Her wiha diyar kiriye ku heta dawiya adarê dê kesên bi koronayê ketine bigirin bin dermankirinê.
Li aliyê din gotiye ku ev her du dermanên ji bo Covid-19 baş hatine bi temamî test li ser wan nehatiye kirin.
Vîrusa koronayê li Çînê dest pê kir û paşê derbasî welatên din bûn. Heta niha li dor 125 welatan rastî vê vîrusê hatine û heta niha bi deh hezaran însan ji ber vê vîrusê mirine. Her çiqas xebatên dîtina dermanê hatibin kirin, Avustralyayê eşkere kiribe jî dê çareseriya bi temamî ji bo vê vîrusê demê bigire.