Diyarname

Mebûsê Xiristiyanên Demokrat Roderich Kiesewetter got ku bila bakurê Sûriyeyê herêmeke mirovî bê sazkirin û bila leşkerên Ewropayêwê derê biparêzin.

Yek ji şirîkên hikumeta Almanyayê CDU'ye (Yekîtiya Xiristiyanên Demokrat). Pisporê siyaseta derve yê vê partiyê Roderich Kiesewetter îro ji bo "rbb-inforadio"ku radyoyeke navenda wê li Berlînê ye axivî. Kiesewetter got ku dikare ligel Rusyayê biryara herêma mirovî bê girtin û ji bo vê yekê jî pêdivî bi 30 - 40 hezar leşkerên mîsyona Neteweyên Yekbûyî bigire ser milên xwe heye.

Kiesewetter wisa got: "Artêşa ALmanyayê jî di nav de divê leşkerên ewropî ji bo şandina herêmê amade bin. Her wiha ji bo tenduristî, alîkarî, ji nû ve sazkirin û derûniya mirovan jî divê komên alîkariyê bêne şandin. Ev yek bê kirin dê bê nîşandayîn ku hêza YE'yê (Yekîtiya Ewropayê) ya tevgerînê heye.  Yekîneyek ku ji leşkerên Ewropayê pêk bê dê ji bo parvekirina barê DYA'yê jî bibe peyamek.

Roderich Kiesewetter got ku tiştên Tirkiyeyê ji bo penaberan kirine hêjayî pesindanê ye lê ev yek divê nebe sedema êşên nû, koçên nû û binpêkirina hiqûqa navneteweyî.

'Krediya Hermes bidin sekinandin'

Li aliyê din Serokê Koma Meclisê yê SPD'ê (ku şirîkê din ê hikumetê ye) Rolf Mutzenich jî ji bo êrîşa Tirkiyeyê ya li ser Rojava got ku divê zordariya li ser Tirkiyeyê bê zêdekirin.

Mutzenich ji bo radyoya Deutschlandfurkê axivî û got ku divê krediya Hermes ku didin kompaniyên alman ên ligel Tirkiyeyê kar dikin bê rawestandin. Mutzenich got ku li Tirkiyeyê ku hemwelatiyên alman hê jî lê girtîne divê kredî ji bo wan neyê dayîn.

Mutzenich diyar kir ku hikumeta tirk li dijî hiqûqa navneteweyî tevgeriyaye û ji ber vê yekê gelek welatên Ewropayê hene ku ambargoyê deynin ser.

Hefteya borî ligel CDU'yê, partiyên li muxalefetê Partiya Keskan, Partiya Hur Demokrat û Partiya Çep jÎ xwestibû krediyên Hermes bêne rawestandin.

**

Nûçeyên Eleqedar:

- Wezîrê Alman: Operasyona Tirkiyeyê ne meşrû ye 

- Ciwan Haco bangî hunermendên dinyayê kir 

- Meclisa Almanyayê: Operasyona Tirkiyeyê li dijî hiqûqa navneteweyî ye 

- Di vê fotoyê de HDP'yî li ku ne? 

- McGurk: Peymana Erdogan û Trump li ser 450x32 kîlometre ye (nûçeyên roja 12'an) 

- Temaşevanên St. Pauli deng dan Rojava (roja 11'an) 

- Sedî 91'ê almanan dixwazin ambargo bidin ser Tirkiyeyê

- Hunermendên kurd bang kirin: Bibin yek 

- Serokomarê Çekyayê: Kurd ne terorîst in (roja 10'an) 

- Vane notên dawî yên li ser Rojava (roja 9'an)

- Volkswagenê jî biryara xwe guhart 

- Wezîrê Îtalyayê: Fînala Lîga Şampiyonan bila ne li Tirkiyeyê be 

- Cîgirê Trump û Wezîrê Karên Devre tê Tirkiyeyê (roja 7'an) 

- Buldan: We nava xwe de çi aştî çêkiriye dora bakurê Sûriyeyê ye 

- Trumpî tiştên ku dê bike eşkere kir 

- Saziyên sivîl ji Nisêbînê bang kirin (agahiyên roja 6'an) 

- Rêverberiya Xweser: Erka hikumeta Sûriyêye ku sînorê xwe biparêze 

- QSD: Bila qada navneteweyî gavên pratîkî biavêje 

- Kayhan Kelhor konsera xwe ya Stenbolê betal kir 

- Lîstikvanê navdar George Cloney jî ji bo kurdan deng bilind kir (Agahiyên roja 3'yan) 

- Ji banga Elî Qazî heta axaftina Trump, ji îro agahiyên derketine 

- 14 partiyên Başûr dest bi çalakiyan dikin 

- YE: Operasyonê bi dawî bikin 

- Dewleta Tirkiyeyê dest bi êrîşê Rojava kir