DiyarName.Com

Ev nûçe tê nûkirin...

22.00: Wezîra Alman daxwaza 'herêma bi ewle' kir

Wezîra Karên Ewlehiyê ya Almanyayê Kram-Karrenbauer diyar kir ku ew dixwazin li Rojava di bin kontrola hêzên navneteweyî de herêmeke bi ewle saz bikin û ji bo vê yekê roja pêncşem û înê di civîna wezîrên parastinê ya NATO'yê de ew dê planê pêşkêşî NATO'yê bikin. Li gor nûçeya di WELT'ê Wezîra Alman Kramp-Karrenbauer gotiye ku Merkel jî plan erê kiriye.

20.00: Trump li ser petrolê axivî

Serokdewletê DYA'yê Donamd Trump piştî civîna wezîran ji bo rojnamegeran axivî û got ku ger pêdiviya me bi hinek din dirêjkirina şerawestinê hebe ez bawerim ev dê çêbe.

Trumpî got ku dê hinek leşkerên wan ên li Sûriyeyê mane ji bo parastina herêma petrolê li wir bin, ew dê nêzî Urdun û Îsraîlê cihek bi cih bibin.

Trumpî got ku tu peymana wan a ku heta hetayê kurdan biparêzin nîn e û got: "Me alîkariya kurdan kir lê me soz neda emê 400 sal bisekinin û wan biparêzin."

Trump ji bo leşkerên xwe jî got miheqeq rojek dê vegerin mala xwe.

Her wiha Trumpî got ku li Bakurê sûriyeyê ji bo kurd ji petrolê dahatûyek bi dest bixin ew tiştek difikirin û dibe ku ji bo vê yekê em kompaniyeke xwe bişînin wê derê.

19.30: Pompeo: Hewce bike emê şer bikin

Wezîrê Karên Derve yê DYA'yê Mike Pompeo ji bo CNBC axivî û got ku ew li hemberî şer aştiyê tercih dikin lê ger pêdivî bi tevgereke leşkerî hebe Serok Trump amade ye vê yekê jî bîne cih.

19.00: Navdaran peymana boykotê îmze kir

Prof Noam Chomsky, David Graber û Brian Eno jî têde hin akademisyan û hunermendên cîhanê banga "Tirkiyê boykot bikin" îmze kirin. David Graber ji bo malpera The Canary a brîtanî sedema piştgiriya vê bangê û boykotkirina Tirkiyê wisa got: "Rojava minareya hêviya gelên cîhanê ye. Niha bi qirkirinê re rû bi rû maye. Wekî mirov ji me tê xwestin ku li aliyekî nesekinin."

16.00: Guven: Ji bo me yekîtî û îtîfak lazim e

Mebûsa HDP'ê ya Culemêrgê îro li Geverê çû serdana esnafan û axivî:"Li Rojava komkujiyeke mezin tê jiyîn, hemû dinya vê dibîne. Her kes li gotina Erdogan, Putin û Trumpî mêze dike. Tiştên ku ew dibêjin ji bo me ne muhîm in. Ji bo me têkoşîneke mezin, xwedîlêderketin, yekîtî û îtîfak lazim e."

15.00: Hin leşkerên DYA'yê dê bimînin

Wezîrê Parastinê yê DYA'yê Mark Esper got ku hin leşkerên DYA'yê dê li bakurêrojhilatê Sûriyeyê bimînin ji bo ku bi hev re bîrên petrolê biparêzin.

Esper di dema serdema Afganistanê de axivî û got, ji bo ev bîrên petrolê nekevin destê DAIŞ'ê ev yek muhîm e. Esper got ku wî ev pêşniyar hê pêşkêş nekiriye, li Pentagonê gelek mînakên din jî hene.

Duh rojnameya New York Timesê nivîsandibû ku Serokdewletê DYA'yê Donald Trump bi awayekî erênî nêzî plana komek leşkeran li Sûriyê bihêlin0 dibe.

13.00: Emê hêzên xwe vekişin

Rêdûr Xelîl got ji bo ku êrîşên dewleta Tirk li ser Bakur Rojhilatê Sûriyê bi temamî rawestin, ew li gorî agirbesta di navbera dewleta Tirk û DYA'yê de diçin, lê dewleta Tirk agirbestê binpê dike û êrîşên xwe didomîne.

Xelîl got li gorî agirbestê ew ê hêzên xwe yên di navbera Serêkaniyê û Girê Spî de heta bi rêya M4 bikişînin û bi vî rengî ji bo ku agirbest mayinde bibe berpirsyariya ku dikeve ser wan bi cih bînin.

12.00: Îran dijî kûleyên çavdêriyê ye

Tirkiye piştî ku kete Rojava, dixwaze li 12 cihan kûleyên çavdêriyê çêbike. Berdevkê Wezareta Karên Derve yê Îranê Abbas Musavi ji bo televîzyona dewletê axivî û got: "Em dijî vê yekê ne. Divê pirsgirêk bi rêyên dîplomatîk bêne çareserkirin. Bila hurmet ji bo yekpareyiya Sûriyeyê bê girtin."

09.00: Wezîrê Alman: Operasyona Tirkiyeyê ne meşrû ye

Wezîrê Karên Derve yê Almanyayê Heiko Maas duh êvarê beşdarî benameya "Rasterast BerLîn" a di kanala ZDF'yê de bû û got: "Baweriya min ew e ku êrîşa li hemberî yekîneyên kurd, an jî mîlîsên kurd ji aliyê hiqûqa navneteweyî ve ne meşrû ye. Dagirkirinek wisa ger di nav hiqûqa navdewletan de sedemek wê tune be, dagirkirin wê çaxê ne li gor hiqûqa navdewletan e."

Her wiha Maas gotiye ku şerawestin ne pênc roj ji bo hê zêdetir bidome û ji bo dawî li dagirkirinê bê çi ji destê wan bê dê bikin.

Nûçeyên Eleqedar:

- Ciwan Haco bangî hunermendên dinyayê kir

- Meclisa Almanyayê: Operasyona Tirkiyeyê li dijî hiqûqa navneteweyî ye

- Di vê fotoyê de HDP'yî li ku ne?

- McGurk: Peymana Erdogan û Trump li ser 450x32 kîlometre ye (nûçeyên roja 12'an)

- Temaşevanên St. Pauli deng dan Rojava (roja 11'an)

- Sedî 91'ê almanan dixwazin ambargo bidin ser Tirkiyeyê

- Hunermendên kurd bang kirin: Bibin yek

- Serokomarê Çekyayê: Kurd ne terorîst in (roja 10'an)

- Vane notên dawî yên li ser Rojava (roja 9'an)

- Volkswagenê jî biryara xwe guhart

- Wezîrê Îtalyayê: Fînala Lîga Şampiyonan bila ne li Tirkiyeyê be