Amed
2’yemîn Tûrnûvaya Futbolê ya Navsaziyan a ku bi hevkariya Şaredariya Peyasa Amedê û Komeleya Rojnamevanên Başûrrojhilat (GGC) hate organîzekirin, bi merasîmekê dest pê kir. 44 tîm îsal beşdarî tûrnûvayê dibin. Armanca turnuvaya navsaziyan ew e ku bi hêza yekîtiyê ya sporê hevgirtina li bajêr xurt bike.

‘Em rihê hevaltiyê û hevgirtinê xurt dikin’
Di merasima destpêkirina tûrnûvayê de, Hevşaredarê Peyasê Cengîz Dundar bal kişand ser bandora sporê û got: “Ev tûrnûva ne tenê pêşbaziyeke sporê ye, lê di heman demê de platformek e ku rihê hevaltî û hevgirtinê xurt dike. Ez ji hemû tîmên beşdarî vê tûrnûvayê bûne ku wekî kevneşopî îsal bû cara 2’yem em li dar dixin serkeftinê dixwazim. Hêviya me ew e ku tûrnûva bi ewlehî û di rihê lîstika adilane ya sporê de bi encam bibe.”

Giringîya têkiliyên navsaziyan
Serokê Komeleya Rojnamevanên Başûrrojhilat Felat Borzaslan jî bal kişand ser rola sporê, têkiliyên navsaziyan û got: “Tûrnûvayên bi vî rengî di xurtkirina diyalog û ragihandinê ku di navbera saziyan de xwedî girîngiyeke mezin e. Ez dixwazim spasiya hemû kesên têkildar û serkeftina herî baş jî ji bo hemû beşdarên me yên ku dê li qadê hunera sporê bidin xuyakirin bikim.”

Maça destpêkê bi heyecan bû
Maça destpêkirina tûrnûvayê di navbera tîma Şaredariya Peyasê û Komeleya Rojnamevanên Başûrrojhilat de hat lîstin. Di maçê de Şaredariya Peyasê bi 4-3 bi ser ket.
Di tûrnûvayê de ku gelek kêliyên rengîn xwe da der, di rojên pêş de dê bi maçên komê din bên lîstin berdewam bike.