Diyarname
Di Lîga 2'yemîn a Tirkiyeyê de du kom hene. Di Koma Spî de Batman Petrol Spor bû şampiyon û derket Lîga 1'emîn. Bi rêzê duyemîn Mugla, Elazig, Adana 01 û Şanliurfa wê maçên play-offê bilîzin.

Di Lîga 2'yemîn Koma Sor de jî Bursaspor bû şampiyon û deke Lîga 1'emîn. Dûre Mardin, Muş, Aliaga û Kahramanmaraş tên ku ew jî derbasê play-offê bûn.

Di her du koman de jî piştî lîstina maçên play-offê tîmê ku bi ser bikeve wekî duyemînê komê diçi Lîga 1'emîn.

Ji bo her du koman sibê maçên play-offê dest pê dikin. Bername bi vî rengî ye:
Koma Sor:
- Saet 16.00, Kahramanmaraş İstiklalspor-Mardin 1969
- Saet 17.00, Aliaga Futbol - Muşspor 

Koma Spî:
- Saet 16.00, Adana 01 FK - Elazigspor 
- Saet 20.00, Şanliurfaspor - Muglaspor

Maçên duyem ên wan wê roja 4'ê gulanê bêne lîstin. Sîstem bi vî rengî ye: Di her du koman e jî ji 4 tîman 2'yê bi ser bikevin derbasî "maça fînalê" dibin. Di maça fînalê de kîjan tîm bi ser bikeve tê Lîga 1'emîn.

Dîroka lîstina maçên fînalê hê diyar nebûye. Di fînalê de du tîmên bi ser bikevin dê herin Lîga 1'emîn.

LÎGA YEKEMÎN
Di Lîga 1'emîn de Erzurum bû şampiyon û sala bê wê li Super Lîgê be. Hefteyek lîg maye. Vê şemiyê Amedspor li Îdirê dilîze. Ger bi ser bikeve dê wekî tîma duyem here Super Lîgê. Tîma 3'yemîn û tîmên 4, 5, 6 û 7'emîn play-offê dilîzin.
Di Lîga 1'emîn de 4 tîm ji jêr de Adana Demir, Hatay, Sakarya û Serîk ketin. Ev 4 tîm sala bê wê di Lîga 2'yemîn de bilîzin.