Diyarname

Hunermend Tarkan jî di nav de 11 kes di operasyoneke narkotîkî de hatibûn binçavkirin. Tarkan û du kes hatin berden yên din sewqî dadgehê hatin kirin.

Hunermend Tarkan piştî bersiva pirsên dozger dan serbest hat berdan û ji adliyeyê derket. Ji ber zêdebûna rojnamegeran Tarkan bi zorê çû cem erebeya xwe, berî siwar be here li hezkiriyên xwe dest hejand.

Hunermend Tarkan (Tevetoglu) jî di nav de 11 kes roja pêncşema borî (25.02.2010) hatibûn binçavkirin. Ew îro saet 10.10'an de anîn dadgehê. Li ser pirsa rojnamegeran a bi rengê "Tu poşman î?" Tarkan bi bişirînê bersiv da. Xebatkarên adliyeyê digel Tarkan wêne kişandin.

Kadir Altinişik ku lêpirsînê didomîne saet 14.10'an de dest li lêpirsîna Tarkan kir û lêpirsîn nêzî 50 deqîqeyî dom kir. Piştî lêpirsînê Tarkan serbest hat berdan.

Tê gotin ku Tarkan di lêpirsînê de gotiye ku belê ew tilyakê dikişîne lê wî tilyak ji bo kesî peyda nekiriye.

Tarkan piştî derketina ji adliyeyê got ku di vê serdemê de kî piştgiriya min kiriye ez sipasiya hemûyan dikim.