Diyarname

Yekîtiya Weşangerên Tirkiyeyê li ser qedexeya çend pirtûkên li ser kurdan daxuyaniyek weşand û bang kir ku bi lezgînî qedexeya li ser pirtûkan bê rakirin. 
Dadgeha Sulh Ceza ya Kolik a Semsûrê li ser pirtûka rojnameger Fehîm Taştekîn "Rojava/Kurtlerin Zamani" (Rojava/Serdema Kurdan) ku ji Weşanên Îletîşîmî derketibû; pirtûka Faysal Dagli "Birakujî" ku di sala 1994'an de ji Weşanên Belge derketibû û pirtûka Aytekin Gezici "Kurt Tarîhî " (Dîroka Kurdan) ku ji Weşanên Tutku derketibû biryar da ku ev bêne berhivkirin û firotina wan bê qedexekirin.
TYB'ê li ser van wisa got: "Her qedexeya li ser pirtûkan hatibe girtin destwerdena li ser vegotina ramanê û belavkirina azadiyê ye ku ev maf di Zagona Bingehîn de jî heye. Qedexe zirarê dide rêgeza civaka demokratîk jî. Bi qedexeyên wisa di heman demê de mafê agahîgirtina gel jî tê binpêkirin."

Di heman demê de TYB'ê gotiye ku li gor Zagona Çapemeniyêxala 26'an di nav 6 mehên pirtûk derketibin de dikarin doz bê vekirin lê ji bo van pirtûkan ev dem jî bihûriye û gotiye.

TYB'ê bi lezgînî xwestiye ev biryara li ser van pirtûkan bê rakirin û ji dadgehan jî xwestiye ku hê naziktir tevbigerin.

**

Nûçeya Eleqedar:

- Dadgehê sê pirtûkên li ser kurdan berhev kirin