ENEQERE
Di 4'emîn Kongreya HAK-PAR'ê de peyamên yekitiye hatin dayîn. Serokê Giştî yê HAK-PAR'ê Bayram Bozyel di kongreyê de wiha got: "Em wekî partî dixwazin çek bên tasfiyekirin. Lê em difikirin ku gotina tasfiyekirina PKK'ê xizmeta çareseriya pirsgirêka kurd nake. Em bihêlin, bila gel bersiv bide vê yekê."
Bozyel, destnîşan kir ku çarserişek baş, bi yekîtiya kurdan mimkûn e û ev tişt got: "Em encax dikarin bi polîtîkayên neteweyî yên rast û di cih de pêvajoyê bibin çareseriyê."
Parlamenterê BDP'ê Hamît Geylanî jî wekî mêvan di kongreyê de axaftineke kir balkişand ser yekîtiya kurdan û destnîşan kir ku AKP bi astengkirina parastina kurdî niyata xwe eşkere kiriye.

4'emîn Kongeraya Partiya Heq û Edeletê (HAK-PAR) li Odeya Endezyarên Înşaatê ya Enqereyê pêk hat. Di kongreya ku Serokê Giştî Bayram Bozyel tekane namzetê serokatiya giştiyê bi tevlibûna 445 delegeyan pêk hat. Parlamenterê BDP'ê yê Culemêrgê Hamît Geylanî, Cîgira Hevserokên BDP'ê Hatîce Çoban, Serokê Giştî yê KADEP'ê Şerafettin Elçi, Serokê Giştî yê EDP'ê Ziya Halîs, Cîgirê Serokê Giştî yê AKP'ê Salîh Kapusuz, parlamenterên AKP'ê yên Amedê Alî Îhsan Aslan, Abdurrahman Kurt, Nûnerê PDK yê Enqerê Omer Mîranî, Nûnerê Partiya Demokrata Peşverû Li Kurde Veroj Tello ya li Suriyeyê, Serokê Giştî yê HEP'ê yê berê Ferîdun Yazar, Serokê Kurt-Kavê Kasim Ergun, ji Partiya Azadi û Sosyalîzm Mehmet Gul û Hasan Firat, helbestvan Yilmaz Odabaşı, Parlamenterê berê yê Amedê Seyfetullah Seydaoğlu jî tevlî kongereyê bûn.

(Dema ev nûçe hate amadekirin kongre dom dikin û delege derbasî hilbijartinê dibûn)