Diyarname
Nivîskarê kurd ê ji Kirmanşahê Jiyar Cîhanferd û hevalê wî Hesen Balada li MêrdiNê bi îdîaya endamtiya rêxistinê hatin girtin.
Li gor nûçeya Hatice Kamer a di BBC de Cîhanferd û Balada 3'ê vê mehê li otogara Mêrdînê hatine biçavkirin û piştî 22 rojên binçavan hatine tewqîfkirin.
Serokê Rûmetê yê PEN'a Kurd Şêxmûs Sefer di nûçeyê de gotiye berî sersalê Jiyan Cîhanferd bi ser înternetê re lê geriyaye û xwestiye alî wî bike ku li vir pirtûkên xwe çap bike û ji bo vê yekê hatiye vir. Sefer wisa gotiye, "Piştî çend hefteyan ew hat vir û Hasan Balada ku di 29'ê berfanbara 2016'an de serî li Beşa Kurdolojî ya Zanîngeha Artûklû dabû hatin Amedê. Jiyar pirtûkên xwe diyarî min kirin. Min ew bi Weşanxaneya J&J dan nasîn û ew vegeriyan Mêrdînê. Paşê min jê xeber negirt."
Xwediyê J&J Azad Zal jî gotiye li ser kurdên Kelhor û Yaresanan zêde lêkolîn nîn in lê Cîhanferd li ser wan xebitiye û ev xebata wî girîng e. Zal wisa gotiye, "'Hemanêg le bê dengî' û 'Folklora kurdî' berê bi tîpên erebî hatine weşandin, bi latînî zêde pirtûkên wisa nîn in. Jiyar xwest em van çap bikin. Berî bê vir bi mehek bi e-mailê xwe gihand me. Dema hat jî dosyayên xwe teslîmê me kir. Em şermezar dikin ku nivîskarekî wekî endamê rêxistinê bê girtin. Ez hêvî dikim di kurtedemê de bê berdan."
Parêzerê wan Necat Çiray jî wisa agahî daye, "Muwekîlên min tûrîst in ji Îranê hatine. Ew ji sînorên Rewşa Awate ya Tirkiyeyê ne agahdar in. Li Mêrdînê gelek foto û vîdyo kişandine. Dozger îdîa dike ku wan ji bo kifşê, ji bo bidin PKK/KCK'ê ev foto û vîdyo kişandine. Lê yek ji wan jixwe nivîskar e. Her ku tûrîstek bê Mêrdînê fotoyan dikişîne. Lê ji ber rewşa niha bi vê yekê tên Sûcdarkirin.
Parêzer Çiray dibêje tabelaya bi çar zimanî ya Şaredariya Bajarê Mezin a Mêrdînê jî wekî sûc hatiye dîtin, lê her du muwekîlên min jî li ser ziman dixebitin.
Fotoyê Jiyar Cîhanferd ji facebooka wî hatiye girtin