Riha
Cenazeya Sekretera Giştî ya KESK'ê ya berê û sazumankara konfederasyonê Sevîl Erol ji hêla bi hezaran kesî ve li Navçeya Sêwrega Rihayê hate definkirin.
Hevseroka DTP'ê Emîne Ayna, Serokê Giştî yê KESK'ê Samî Evren û bi hezaran siyasetmedar, sendîqavan, nivîskar, rewşenbîr û hemwelatî di merasîma cenazeyê Erol de amade bûn.

Sekretera Giştî ya KESK'ê ya berê û sazumankara konfederasyonê Sevîl Erol ku di encama nexweşiya penceşêra pankreasê de jiyana xwe ji dest da, li Navçeya Sêwereka Rihayê hate definkirin. Hevseroka DTP'ê Emîne Ayna, Parlementera DTP'ê ya Amedê Gultan Kişanak, Parlementerê DTP'ê yê Rihayê Îbrahîm Bînîcî, Serokê Giştî yê KESK'ê Samî Evren, endamên şaxên KESK'ê yên Enqere, Amed, Riha, Stenbol û Meletiyê, şaredarên Pirsûs, Wêranşar, Serêkaniyê, Kayapinar, Baglar û Yenîşehîrê, nûnerên DTP, ÎHD yên bajarên derdorê, endamên Meclisa DOKH'ê û bi hezaran kes beşdarî merasîma cenaze bûn.

Cenazeyê Erol ku bi kesk, sor û zeran hatibû xemilandin pêşiyê anîn Mizgefta Sulu ya Sêwerekê. Piştî bi cih anîna wecîbeyên olî cenazeyê Erol nîvrokî piştî minêja cenazeyê bi beşdariya hezaran kesî ber bi Goristana Asrî ya Sêwerekê ve birin û li wê derê defin kirin.