Diyarname

Girtiyên kurd ên di girtîgehên Tirkiyeyê de ne ragihandin ku li hemberî Xendekên ku PDK dikole dê dest bi greva birçîbûnê bikin.

Li ser navê Girtiyên kurd ên ji doza PKK û PAJK'ê hatine girtin û di girtîgehên Tirkiyeyê de Deniz Kaya daxuyaniyeke şand. Li gor nûçeya DÎHA'yê di daxuyaniyê de hatiye gotin ku li hemberî xendekên ku PDK'ê kolandiye, ji bo vê yekê şermezar bikin ew wekî dîlên li girtîgehên Kurdistan û Tirkiyeyê de rojên 21 û 22'yê mehê çalakiya greva birçîbûnê li dar bixin.

Kaya gotiye ew helwesta neyartiyê ya AKP û PDK'ê ya li hemberî Rojava şermezar dikin. Di daxuyaniyê de wisa hatiye gotin: "Em bang li gelê me, derdorên demokrat û hemû rêxistinên kurd dikin ku zor li PDK'ê bike ku dest ji vê kirina xwe berde. Bedena me girtî be jî dilê me li mewziyên YPG û YPJ'ê lê dide, em li cem gelê me yê li Rojava ne û ji bo em çepera PDK û AKP'ê bişkînin em du rojan dikevin grevê."

Li gor vê biryarê 10 hezar girtiyên kurd ên di girtîgehan de du rojan dê çalakiya greva birçûbênê li dar bixin.