Diyarname
Tîma Şaredariya Bajarê Mezin a Amedê "Diyarbakir BB Spor" berî lîg bi dawî bibe bi 3 hefteyan bû şampiyon û derbasî Lîga 2'yemîn bû.

"Diyarbakidr BB" di Lîga 3'yemîn Koma 1'emîn de dilîst. Berî îsal lîg bi dawî bibe bi 4 hefteyan tîm îro li Stenbolê bi Stenbol AŞ re lîst. Maç li Stada Bahçelieveler ya li Yenibosnayê li dar ket. Maça ji Amedê heta Sêrtê, Batman û Mêrdînê gelek kurd hatibû piştgiriya Diyarbakir BB'yê, bi 2-1 bi têkçûna Diyarbakir BB bi dawî bû.
Di deqîqeya 11'an de lîstikvanê Diyarbakir BB'yê Hakan Akman penalti avêt û Diyarbakir 1-0 pêş ket. Dewreya yekemîn a maçê wîsa bi dawî bû. Paşê di deqîqeya 52'yan de ji İstanbul AŞ: Tolga golek avêt û wekhevî çêbû: 1-1.
Di deqîqeya 90+1 de li ser navê İstanbul AŞ Feyyaz golek avêt û maç bi 2-1 bi dawî bû.

Û ji maçê çend notên din:
- Zêdeyî hezar temaşevanên Diyarbekir Spor hebûn ku ji Amedê heta Batman, Sêrt, Mêrdînê û bajarên din bûn.

- Piraniya temaşevanan ciwan bûn lê di nav wan de kesên navsere jî hebûn.

- Di maçê de ji Herne Pêş bigire heta Batmane Batmane temaşevanan digel stranên bi tirkî gelek yên bi kurdî jî xwendir.

- Bi dawîbûna maçê re temaşevan ketin sehayê hem formayên lîstikvanan ji wan girtin, hem ew hilgirtin ser milên xwe.

- Çêr û dijûnên di nav hemû temaşevanên sporê de hene, di nav temaşevanên Amedê de jî hebûn. Bêyî ku Bursa yan kesek ji Bursa yi wir hebe jî temaşevanan Diyarbakir BB'yê çêrên Bursayê jî kirin.

- Bi diyarbûna şampiyoniyê re temaşevanan ketin nava sehayê, li nava sehayê dest bi govend govend geranê kirin ku rêzek dirêj çêbû, lê zû bi dawî bû.

Karagumruk jî têk çû

Di lîge de di rêza duyemîn de Fatih Karagumruk hebû. Di navbera Diyarbakir BB û F. Karagumruk 12 pûan hebûn. Ji ber ku F. Karagumruk jî têk çû (Li hemberî Beşikduzu 2-0 têk çû) û sê hefte maç mane, Diyarbakir bi ferqa 12 pûanan bû şampiyon. Yanê her sê maçên mayî Diyarbakir BB bi awayekî formalîte dê bilîze.

Di nav hemû tîm û lîgên Tirkiyeyê (Turkcell Super Lig, PTT Lîga 1'yem, Komên Sipî û Sor yên Lîga 2'yemî û her sê komên Lîga 3'yemîn) peşî Diyarbakir BB'yê şampiyoniya xwe bi dest xist.

Wekî notek: Îstanbul AŞ ku îro Diyarbakir têk bir ji bo Play-Offê hewl dide ku serketina îro ji bo wan pûanên gelek baş bû.
Diyarbakir BB sala bê dê di Lîga 2'yemîn a Tirkiyeyê de bilîze.

Foto: Cemil Oguz

Ji bo fotoyên Diyarbakir BB û maçê li foto-galerî binêrin (yan jî bitikînin): Diyarbakir BB

***

Hin nûçeyên eleqedar:

- Diyarbekir BB li Stenbolê ji bo şampiyonî dilîze

- Diyarbekir BB Spor dest bi firotina formayan kir

- Diyarbakir BB'yê hemû tîmên Tirkiyeyê û Ewropayê li dû xwe hiştin