Diyarname
Ji mebûs hate hevşaredarên navenda Culemêrgê, heta hevşaredarên navçeyan, niha li Culemêrgêkesek hatibe hilbijartin nemaye û hemû hatine desteserkirin.
Mebûs
Li Culemêrgê 3 mebûs hene. Di hilbijartina sala 2015'an de her sê jî ji aliyê HDP'ê ve hatin bi dest xistin. Ji kêm bajarên ku AKP'ê nekarî jê mebûs derxe yek jî Culemêrg bû. Niha her sê mebûsên Culemêrgê yên HDP'ê Selma Irmak, Abdullah Zeydan, Nihat Akdogan girtî ne.
Hevşaredar
Di hilbijartina Şaredariya ya Sala 2014'an de li navenda Culemêrgê Dîlek Hatipoglu û Nurullah Çiftçi hatin hilbijartin. Di 23'yê gelawêja 2015'an de ew hatin girtin. Paşê ji dêvla wan ji nav Meclisa Şaredariyê Fatma Yildiz û Şaban Alkan wekî wekîl hatin hilbijartin lê ew jî hatin girtin û herî dawî di 11'ê rezbera 2016'an de dewletê bi kayyûmê dest danî ser şaredariyê.
DBP'ê li Culemêrgê sedî 86.6, li Çelê sedî 54.2, li Şemzînanê sedî 49.6 deng girt û li van deran şaredarî bi dest xist.
Hevşaredarê Şemzînanê Seferi Yilmaz, Hevşaredara Geverê Adile Kozay û Hevşaredarên Çelê Hilal Duman û Servet Tunç ligel gelek endamên Meclisên Şaredariyê hatin binçavkirin.
Niha ji bilî hin endamên şaredariyan kesên hatin hilbijartin li derve neman.