NUDEM ATEŞ - Amed

Komeleya Celadet Bedirxan ku du sal berê li Cizîra Şirnexê hatibû vekirin ji ber tîpa "X" bi "Zagona Komeleyan" hate girtin.

Komele bi navê "Komeleya Dîrok, Çand û Hunerê ya Celadet Bedirxan hatibû vekirin. Komeleyê tabelaya xwe jî daliqandibû û dest bi xebatên xwe kiribû. Lê bi Xala 31'ê ya Zagona Komeleyan a bi hejmara 5253'yan hate girtin. Ev biryar li ser tîpa "X" ya di Bedirxan de hate girtin.

Di vê serdemê ku hikumet û alîgirên wê her qala serbestbûna kurdî, 24 saetan weşana TRT 6'ê ya bi kurdî dikin de komele ji ber tîpa kurdî hate girtin.

Midûriyeta Komeleyan a Walîtiya Bajarê Şirnexê piştî 6 mehên vekirina komeleyê ji komeleyê re nameyeke şandimbû, bal kişandibû ser Zagona Komeleyan ku dibêje "Komele di defterên xwe de û di saziyên fermî yên Komara Tirkiyeyê de, di nivîsan de tirkî bikar tînin" û gotibû: "Ger navê 'Bedirxan' neguherînin û wekî 'Bedirhan' bikar neynin emê serî li dozgeriyê bidin." Piştî ku komeleyê navê Xwe neguhart û di "Bedirxan" de israr kir, Walîtiyê serî li dozgeriyê da.

Dadgela Esliye li ser meseleyê li hev rûnişt û biryara girtina komeleyê da. Piştî biryarê rêveberên komeleyê tabela daxist û komele girt.

Cegerxwîn jî hatibû qedexekirin

Herî dawî di meha tîrmeha îsal de li Amedê navê Navenda Çandê û ya Ciwanan a Cegerxwîn ya li Kayapinara Amedê û navên 19 parkan hatibûn qedexekirin. Parêzerên Şaredariya Kayapinarê li cem Daniştayê ji bo vê biryarê nerazîbûn anîn ziman û xwestin ev biryara dadgehê ya qedexekar bê betalkirin. Mesele niha li cer Daniştay e.

 ANF

***

REKLAM

Ji bo têkiliyê:
www.kovaradiwar.com
peywendi@kovaradiwar.com
Dîwar
Friedhofstr. 19
64401 Gross-Bieberau
Germany

Ji bo nûçeyê LOGO'yê bitikînin