Diyarname
Rojnameger Bayram Balci şewey 23'yê aşme semedê nêweşiya qansêrê merd. Balci, eno 30 sere zêdeyêrî bî miyanê çapemenî kurdan a bi tirkî de kar kerdêne.

Rojnameger û şair Bayram Balci rocê 10'ê gulaney 1963'yan de Enqera de hamew dinya. Ew bi eslê xwu Sêwas ra bî. Ew zey tenêke çepgir kewt miyanê karê çapemeniya kurdan û zêdey 30 sere miyan de kar kerd.

SERANÊ 90 DE KEWT MIYANÊ ÇAPEMENÎ KURDAN
Seranê 90 de, wexto rojnamegerê kurdî hameyne kiştişî, ew jî yew karkeranê rojnameyanê kurdan ra bî û xebate kerdêne. Ê miyanê Yenî Ulke, Ozgur Gundemî de kar kerd. Demêke ew zî hame girotişî û kewt hepis.
Serey 2016'inan de sirgun bî û şî Belçîka. Dima ke şî Belçîka, qeybî Medya Haberî xebatey xwu dewam kerd.

3 KITABÊ Ê VECIYAY BÎ
Heta enka bi namey "Toplu Şiirler", "Livar" û "Canima Degmez Hayat" kitabê ê şiîran veciyay bî. Ew serê kitabêke vîranînan de xebetiyay ne; ke tede qalê serdemê çapemeniya kurdan kerdê ne, la temam nêkerd.
Ê hîkayey fîlmê "Press" ke ew zî serê seranê 90'inan ê çapemeniya kurdan de wo nişt bî.

Balci bi nêweşî qansêrî kewt bî û eno 7 seriyo hameyne dermankerdiş. Rocê 21'ê aşme rewşê cê bî giran, ew rakerd Nêweşxaneya Azorg, la nêşke bixelesnê. Rojê 23'yê aşme bi şewe merd.