Diyarname
Festîvala Kurtefîlmên Kurdî dê li Avusturyayê li dar bikeve. Ji bo beşdariyê festîval li benda fîlman e.
Komeleya Wêneyê Bizavdar a Kurdî karê sazkirina festîvala duyemîn ya kurtefîlman dike ku dê serê meha avrêla sala 2009'an de li Awustralyayê li dar bikeve.
Komeleya Wêneyê Bizavdar a Kurdî (Kurdish Moving Images Group) ji bo vê yekê agahînameyeke weşand û bang li sazkarên fîlman kir ku serî li festîvalê bidin.
Nûnerê komeleyê yê Kurdistanê Baîz Ebdulrehman Efrûzî ragihand ku ji bo wergirtina fîlman roja dawîn 28 reşemiya 2009'an e û kesên ku dixwazin tevî festîvalê bibin, divê serdana malpera komeleyê bikin û forma beşdarbûnê tijî bikin.
Her weha Efrûzî da zanîn ku festîval, bi tenê berhemên derhênerên kurd û yên li ser kurdan werdigire. Kesên ku fîlmên wan ên dokumenter, drama û anîmasyon hete dikarin serî li amadekaran bidin
Festîval dê 04.04.2009'an de li dar bikeve û mercên beşdariyê jî ev in:
1- Festîval fîlmên dokumenter, drama û anîmasyon bi xwe digire.
2- Festîval bi tenê fîlmên derhênerên kurd û fîlmên li ser kurdan werdigire.
3- Divê kopyaya fîlman bi formatên VHS, DVD yan DV ji festîvalê ra bêne şandin.
4- Divê wêneyekî derhêner û çend wêneyên ji fîlm bi awayê 'jpg'. tevî CD'ya fîlm bên bi rê kirin.
5 - Derhêner/sazkar herî zêde dikare bi du berheman beşdar bibe.
6- Her fîlmekî divê forma xwe ya taybet cuda be.
7- Tevahiya fîlman wê bi awayekî orjînal wekî xwe bêne nimandin.
8- Fîlmên pêşbirkeyê divê bi jêrnivîsa îngilîzî bin.
9- Kopyaya fîlm li xwediyê/a wê/wî nayê vegerandin.
10- Gava fîlm gihîşt destê komîteya hilsengandina fîlman wê xwediyê/a fîlm bê agahdar kirin.
Ji bo kesên eleqedar:
www.kmig.net
Tel: 00 964 770 361 05 24
Email: chiafilm_co@yahoo.com