Diyarname
Hikumeta Demkî ya Sûriyeyê îro li 11 bajarên di bin destê wê de hilbijartin li dar xist. Li van deran li 50 cihên hilbijartinê Hilbijartina Giştî ya Meclisê li dar ket. Reqa, Hesekê û Kobanî ku di bin destê Rêveberiya Xweser de ne û li Suveydayê hilbijartin li dar neketin.

Hikumeta Demkî bi vê hilbijartinê 119 mebûs diyar kirin. Hikumeta Demkî ya Sûriyeyê ya di bin destê Ahmed Şara de biryar daye ku ji bo 140 kursiyan hilbijartin li dar bikeve. Vê hikumeta ku kurd wê hê qebûl nakin biryar daye ku 21 kursiyên din ji bo ev cihên hilbijartin lê nebûye ye.

Berdevkê Komîteya Hilbijartinê ya Bilind Nevvar Necme li Şamê daxuyanî da çapemeniyê. Va ye ji vê daxuyanî çend agahî:
- Di hilbijartina îro de 119 mebûs hatine hilbijartin.
- Li Kobanî*, Hesekê, Reqa û Suveydayê piştî çareseriya siyasî çêbe dê hilbijartin li dar bikeve.
- Ji mebûsên hatine hilbijartin 6 jê jin in.
- Ji mebûsan didu xiristiyan in.
- Ji sisêyan yek mebûsan wê Serokomar Ahmed Xara tayîn bike ku ev ji heyeta hilbijêr serbixwe ye. Li gor biryarê ji bilî mebûsên hatine hilbijartin, Şara wê 70 kesên din wekî mebûs tayîn bike û bişîne meclisê.
- Li gor encamê, li Helebê 30, li Şamê 10, li çoltera Şamê 12, li Humusê 12, li Hamayê 12, li Lazkiyeyê 10, li Tartusê 2, li Deyrizorê 10, li Îdlibê 12, li Derayê 6 û Kuneytrayê 3 mebûs hatine hilbijartin.
- Şara dema 70 kesên din diyar bike, hejmara mebûsên li Meclisa Sûriyeyê wê bibe 199.

MSD: Ev hilbijartin îradeya Sûriyeyîyan temsîl nake
Li aliyê  din Meclisa Sûriyeya Demokratîk (MSD) bi daxuyaniyeke nivîskî helwesta xwe ya li hemberî “hilbijartinên parlamentoyê” yên hikumeta demkî ya Sûriyeyê nîşan da.
MSD’ê got ev hilbijartin îradeya Sûriyeyiyan temsîl nake, di heman demê de nûnertiya tevahiya herêman û pêkhateyên li welêt nake.
MSD’ê got: “Ev hilbijartin ne layîqî dîroka resen ya Sûriyeyê ye. Ne jî layîqî fedekariyên gelê wê ye ji bo avakirina Sûriyeyek ya li ser esasî demokasî, azadî û hevbeşiya rasteqîn têdikoşe."
 

*Wî wekî "Eynul Ereb" bi nav kir. Li gor zagona berê ya Sûriyeyê Kobanî bi Helebê ve girêdayî bû.