Diyarname
Kurdish Monitoring ku “Platforma Çavdêriyê û Rapornivîsînê ya Mafê Bikaranîna Kurdî” ye li ser qewimînên dijî kurdî raporan amade dike. Kurdish Monitoring di rapora ji bo ev 6 mehên salên rapora xwe ya nû eşkere kir. 

Li gorî rapora Kurdish Monitoringê di 6 mehan de herî hindik 44 bûyerên cuda li dijî bikaranîna kurdî pêk hatine.

Li gorî van daneyan diyar dibe ku di 6 mehên destpêkê yên salê de hema hema her ji çar rojan rojekê li dijî kurdî êrîş pêk hatiye, bikaranîna kurdî hatiye astengkirin an jî qedexekirin. Raporê ev binpêkirin yek bi yek eşkere kirin.

Va ne li ser asntengî yan jî qedexeyan kîteyên ji raporê:
Li gorî kategoriyan:
•    Qada Civakî: 15
•    Medya: 8
•    Çand-Huner: 12
•    Girtîgeh: 9

Li gorî mehan:
•    Kanûna Paşiyê: 9
•    Sibat: 6
•    Adar: 7
•    Nîsan: 5
•    Gulan: 10
•    Hezîran: 7

Mînakên balkêş:
•    Rêveberiya Zanîngeha Teknîkê ya Gebzeyê, ji ber îhtîmala ku wê sloganên bi kurdî berz bikin, di 8’ê Adarê de meş û çalakiya jinan qedexe kir..
•    Polîsan bi ser Jîn Art Sanat Eviyê de girtin; dest danîn li ser pirtûk û komputeran, li ser texteyê reş ê nivîsê, ala tirkan xêz kirin.
•    Beşa Kurdî ya Dengê Amerîka (VOA) piştî 33 salan weşana xwe bi dawî kir.
•    Rêveberiya Girtîgeha Elezîzê, ji ber ferhenga kurdî ceza dabû girtiyekî. Dadgeha Destûrî ev biryar nepejirand û got ku mafê girtî hatiye binpêkirin.
•    Ji ber nivîsa “Hebûn” li ser bû, formayê Amedsporê nedan girtiyekî.

Encam:
•    Ji sedî 60’ê destwerdana li dijî kurdî, bi destê saziyên dewletê ve pêk hatine.
•    Ji sedî 70’yî destwerdanan li qadên civakî yan jî di çarçoveya xizmetguzariya civakî de pêk hatine.
•    Her ji 4 destwerdanan yek jê, li dijî sembol an jî gotinên kurdî pêk hatine ku ev jî bi hinceta “ewlehiyê” pêk hatine.
•    Astengkirin û sansurên di qada medyayê de pêk hatine, di platformên dijîtal de zêde dibin û berdewam dikin.

Qada navnetewî: Astengkirina kurdî sînorên Tirkiyeyê jî derbas kir. Konsere Seyda Perînçekî ya li Japonyayê hate betalkirin, Perînçek hate dersînorkirin. Li Mannheimê, bajarê Almanyayê muzîkjeneke ku li kolanê stranên kurdî digot, rastî êrîşekê hat.