Diyarname
Festîvala fîlman a payîzê “Filmekimi” îsal 21’emîn car deriyên xwe vedike. Festîvala ku ji festîvalên dinyayê fîlmên balkêş li Stenbolê dike mêvan îsal di navbera 7-16’ê vê mehê li dar dikeve.
“Fîlmekîmî” ji aliyê Weqfa Çand Hunerê ya Stenbolê (İKSV) ve tê organîzekirin. Fîlmên festîvalê îsal li Beyogluyê li Atlas 1948 Sinemasi, li Şişliyê liCity's Nişantaşı – CINEWAM Premium û li Kadikoyê li Kadikoy Sinemasi û Sinematek/Sinemaevi têne nîşandayîn.
Ji gelek festîvalên navdar fîlmên xelatgir di nava bernmeyê de ne. Yek ji wan fîlmê derhêner Martin McDonagh ê bi navê “The Banshees of Inisherin” e. Fîlm meha borî li Festîvala Venedîkê Xelata Senaryoya Herî Serketî û serlîstikvanê fîlm Colin Farrel jî Xelata Lîstikvana Herî Serketî girt.
Fîlmê derhêner Noah Baumbach ê bi navê “White Noise” tu li Venedîkê hat nîşandayîn, dîsa fîlmên L’Immensità (Emanuele Crialese), Marlowe (Neil Jordan), Paul Schrader jî ji Venedîkê hatin Stenbolê.
Fîlmê Claire Denis “Stars at Noon” û fîlmê Lukas Dhont ê bi navê “Close” ku wan
li Cannesê xelata mezin girtibûn dibin bêvanên Filmekimi. Fîlmê derhêner Charlotte Vandermeersch û Felix Van Groeningen ê bi navê “The Eight Montains” ku Xelata Juriyê girtbû, dîsa fîlmê Jerzy Skolimowski ku wî jî Xelata Juriyê girtibû dê bê îşandayîn. Derhêner Park Chan-wook bi fîlmê xwe “Decision to Leave” mêvanê festîvalê ye. Chan-wook bi vî fîlmî li Cannesê Xelata Derhênerê Herî Serketî girtibû.
Fîlmê derhêner Ali Abbasî “Holy Spider” ji Cannesê xelata Lîstikvana Herî Serketî (Zar Amir-Ebrahimi), fîmê derhêner Hirokazu Kore-eda “Broker” Xelata Lîstikvanê Herî serketî (Song Kang-ho) û fîlmê Tarik Saleh “Boy From Heaven” xelata Senaryoya Herî Serketî girtibû û ew niha li Stenbolê dê bêne nîşandyîn.
Derhêner Mia Hansen-Love bi fîlmê xwe “One Fine Morning” Xelata Filmê Herî Serketî yê Ewropayê girtibû, ew jî di nav bernameyê de ye.
Ji bilî van jî fîlmên din ên xelatgirt dibin mêvanên Fîlmekîmî. Bilêten Fîlmekîmî îsal seansên nava hefteyê bi roj (11.00, 13.30, 16.00) 50 TL ne. Nava hefteyê saet 19.00 û dawiya hefteyê (11.00-13.30-16.00-19.00) û hemû seansên saet 21.30 bi 75 TL’yî ne.
Ji bo agahiyên berfirehtir:
filmekimi.iksv.org