Diyarname
Derhêner Şerif Goren di 80 saliya xwe de mir. Roja 22'yê meha borî ew li mala xwe ji derenceyê ketibû û serê wî li erdê ketibû. Gorenê ku rakiribû nexweşxaneyê îro mir. Fîlmê "Rê" ku Yilmaz Guney senaryoya wî nivîsandibû Goren derhêneriya wê kiribû û li Cannesê xelat girtibû.
Derhêner Şerif Goren di sala 1944'an de li Îskeçeya Yewnanistanê hatibû dinê. Di sala 1956'an de dema li ser navê Serokomarê Tirkiyeyê yê wê demê Celal Bayar bursek hatibû dayîn, Goren bi vê bursê hatibû Tirkiyeyê û Lîseya Ciwanan a Stenbolê xwendibû. Di 18 saliyay xwe de ketibû nava sînemayê.
Goren di sala 1966'an de ligel Yilmaz Guney dest bi hevkariyê kiribû.
Di salên 1970'yî de fîlmê  "Canli Hedef" ku Yilmaz Guney nivîsandibû kişand. Paşê ligel Guney "İbret", "Kaçaklar", "Vurguncular" kişand.
Di sala 1974'an de senaryoya Yilmaz Guney "Endîşe" kir fîlm û bi vî fîlmî navdar bû. Di sala 1975'an de bi vî fîlmî li Antalyayê Xelata Fîlmê Herî Serketî, Derhênerê Herî Serketî girt û navdar bû; Yilmaz Guney jî Xelata Senaryoya Herî Serketî girt.
Hevkariya Guney û Gorenî di "Yol" (Rê) de xwe nîşan da û neta Cannesê jî çûn ku Xelata Palmiyeya Zêrîn girtin.
“Kurbagalar”, “Yilanlarin Gucu”, “Deprem”, "Kopru", “Katircilar”, “Derman”, “On Kadın”, “Nehir”, “Herhangi Bir Kadin” hin fîlmên wî ne.
Goren di sala 1993'yan de fîlmê "Amerikali" kişandibû û gotibû "Êdî fîlm nakişîne" û navber dabû lê di sala 2011'an de "Ay Buyurken Uyuyamam" kişandibu. Paşê êdî fîlm nekişandibû.
Di sala 1999'an de Festîvala Porteqala Zêrîn a Antalyayê, di sala 2018'an de Festîvala Gûzeka Zêrîn a Edeneyê Xelata Serketina Di Hemû Jiyanê de dabû wî.