Navê fînalê eşkere bû: Spanya - Îngilistan

Diyarname
Di maça duyemîn a nîv fînalê de Hollanda û Îngilistan hatin hemberî hev. Îngilîzan di deqîqeya dawî de gol avêt û bi 2-1'ê derketin fînalê.
Maça Îngilistan û Hollandayê xweş dest pê kir. Hollandaya ku heta niha bi keda xwe, bi awayê heq kiribû hatibû vir di deqîqeya 7'an de bi gola Xavi Simond derket pêş. Simon ji derveyî qada pêş kelehê xweş lê da û gol: 1-0.
Di deqîqeya 15'an de Harry Kane li nav qada pêş kelehê şûtek avêt, di vê kêliyê de Dumfries faul kir. VAR'ê hakêm hişyar kir û penaltî da îngilîzan. Kane penalti veguhart golê: 1-1.
Nîveka yekemîn wisa xilas bû. Di nîveka duyemîn de jî îngilîz zêde ne bi bandor bûn. Îngilistanê şuta xwe ya yekemîn di deqîqeya 87'an de avêt. Lê di deqîqe 90'î de, dema ku hakêm tenê 2 deqe dem dabûn de Watkinsê ku paşê ketibû lîstikê li nav qada pêş kelehê gog bi dest xist, berê xwe ba da û gol avêt: 2-1.
Bi vê yekê Îngilistan derket fînalê û bû reqîbê Spanyayê.
SPANYA - ÎNGILISTAN
Êvara 14'ê mehê saet 22.00'an de li Stada Olimpiyatê ya Berlînê Spanya û Îngilistan dê bên hemberî hev.
Îngilistan di Euro 2020'î de jî derketibû fînalê lê li hemerî Îtalyayê bi penaltiyan têkçûbû. Îngilîzan ev kûpa qet negirtiye; Bi ser bikevin yekem car dê kûpayê bibin mala xwe.
Her ku Spanyaye, ligel Almanyayê 3 caran ev kûpa girtiye. Ger bi ser bikeve dê bibe cara 4'an û rekorê bi dest bixe.