...Ev nûçe tê nûkirin...

22.30 

Ji Şirnexê banga xwedîlêderketinê

Li Şirnexê niha ajansa dewletê AKP'ê li pêş nîşa dide lê DEM Partî dibêje em li pêş in û banga xwedîderketinê dike.

Parlamentera DEM Partiyê ya Şirnexê Newroz Ûysal Aslan  wiha got: “Banga me li gelê me ye. Tevî her cure lîstikan em bi ser ketin. Hûn bi binçavkirina hevalên me yên ji karûbarên hilbijartinê berpirsyar û hevserokên me yên bajêr, bi veşartina girtekan nikarin bi ser bikevin. Em bang li gelê xwe dikin ku di nava aramiyê de bi partiya xwe re bikeve nava piştevaniyê û xwedî li vîna xwe derkeve. Ewlehiya hilbijartinê û vîna gel berpirsyariya hemû partiyên mûxalîf e. Em ê li vîna xwe xwedî derkevin, em ê bi awayê hiqûqî jî siyasî jî îtîrazên xwe bidomînin. Barkirina daneyên YSK’ê didome, em ji nêz ve dişopînin.”

21.45

Licê yekemîn e

Li nav hemû navçeyên kurdan navçeya Licêya Amedê herî zêde deng dane DEM Partî. DEM Partî li Licê sedî 88.3 deng girtiye û bûye yekemîn. Îro, navçeyeke din ku bi ser 80'ê re deng bigire heta niha derneketiye holê. 

 21.30

DEM Partî li Rihayê 6 navçe girtine

Li Rihayê DEM Partî 6 navçe bi dest xistine. Di hilbijartina 2019'an de tenê navçeyek, Sirûç di destê DEM Partî de bû. Îro li gor agahiyên hê bi dawî nebûne DEM Partî navçeyên Wêranşar, Bîrecîk, Serêkanî, Xelfetî, Sirûç û Bozova bi dest xistine.

21.20
DEM Partî li dor 80 şaredarî girtine

Li gor vê saetê û li gor agahiyên ne fermî DEM Partî 80 şaredarî bi dest xistine. 3 jê bajarên mezin in: Amed, Wan û Mêrdîn. Ji bajaran li Bedlîsê qayişkêşaneke mezin heye. Diçe û tê. 

21.00

Li Akdenîzê DEM Partî li pêş e

Li gor agahiyên vê kêliyê li Akdenîza Mêrsînê DEM Partî li pêş e. Li vê navçeyê sedî 60 sindoq hatine vekirin. DEM Partî li vir niha bi sedî 32 li pêş e. AKP sedî 24, CHP sedî 20'î de ye. 

20.35

QERS: DEM Partî 1200 deng li pêş e

20.30 

DEM Partî li 11 bajaran li pêş e

DEM Partî li bajarên Amed, Wan, Mêrdîn, Culemêrg, Agirî, Bedlîs, Sêrt, Batman, Dêrsim, Îdir û Mûşê li pêş dixuye.

Li Şirnexê bi dengek biçûk DEM Partî li paş e. Sedî 75 sindoq hatine jimartin. 

20.10:

Bakirhan bang kir: Sindoqan ji lijneyên navçeyan neçin

Hevserokê DEM Parti Tuncer Bakirhan peyamek belav kir û got, "Gelê me yê birûmet, peywirdarên me yên sindoqan, em wekî çavên xwe xwedî li sindoqan û torbeyan derên. Agahiyên serketinê bila nebin sedem ku em ji lijneyên hilbijartinê yên navçeyan dernekevin. Emê hemû bi hev re serketina xwe pîroz bikin. Em bi biryar in, em bi hêvîne û emê dest ji nehawetê bernedin.

19.40

DEM Partî li 11 bajaran li pêş e

DEM Partî li bajarên Mêrdîn, Amed, Wan, Culemêrg, Agirî, Bedlîs, Sêrt, Êlih, Dêrsim, Îdir û Mûşê li pêş dixuye.

Li Qers, Şirnex û Çewligê qayişkêşan didome

Saet 17.00'an de sindoq hatin girtin û dest bi jimartinê kirin. YSK'ê qedexeya li ser belavkirina agahiyan rakir. Û va ne encamên pêşî:

- Bajarên Amed, Wan, Mêrdîn, Batmanê pirsgirêk naxuye.

Ji bilî bajarên di destê DEM Partî de

- Li Dêrsimê DEM Partî niha li pêş e.

- Ji navçeyên ku ne di destê DEM'ê de bûn, li Tetwanê li pêş e. Berendamê Şaredariya Tetwanê yê DEM Partî Mumîn Erol peyam belav kir û ji bo serketina li Tetwanê sipasiya gel kir.

- Sakikî serketina Agirî ragihand

Sirri Sakik li ser Agirî twitet belav kir û got "Sipas Agirî. Ev serketin ê me hemûyan e." 

- Li Dagpinar a Dîgora Qersê DEM Partî bi ser ket. 
Mebûsa DEM Partî Gulistan Kiliç Koçyigit ragihand: Me navçeya Dîgor û bajaroka wê Dagpinar bi dest xist. Dîgor di destê MHP'ê de bû.

**

Nûçeya Eleqedar:

-Nava rojê li ku çi qewimî? Va ye gava bi gav nûçe (lînkê bitikînin)