...Ev nûçe tê nûkirin...

18.45
Sakikî serketina Agirî ragihand
Sirri Sakik li ser Agirî twitet belav kir û got "Sipas Agirî. Ev serketin ê me hemûyan e." 

18.35
Ayhan Bilgen 'Pes kir'
Serokê SES Partîsi Ayhan Bilgen li Qersê berendamê şaredariyê bû. Saet dor 18.30 twitek belav kir û got, "Li hemberî siyaseta bûye du alî me hewl da lê hêza me têrê nekir. Tiştê ket ser milê me, me kir. Civak layiqê çi be bi wê tê bi rê ve birin. Sipasî ji bo kesên piştgirî dane me. Ez ji bo berendamê bi ser bikeve û QERS'ê serketinê dixwazim." 

16.35

DEM Partî: Gere hûn ji diziya vînê re bêjin na

16.15

Serokê YSK'ê li ser qedexeyê daxuyanî da

Serokê YSK'ê Ahmet Yener li ser qedexeya belavkirina agahiyên hilbijartinê ji bo çapemenî got: Piştî saet 17.00'an dengdan diqede. Emê wekî sazî bikevin civînê, li gor wê saeta rakirina qedexeyê ragihînin. 

16.00 

Li bajarên kurdan dengdan temam bû

Li bajarên kurdan ên wekî Semsûr, Agirî, Çewlîg, Bedlîs, Amed, Elezîz, Erzîngan, Erzerom, Dîlok,  Colemerg, Qers, Meletî, Mêrdîn, Mûş, Sêrt, Dêrsim, Riha, Wan, Batman, Şirnex, Erdexan, İdirê sibê saet 07'an dengdanê dest pê kiribû. Saet 16.00'an de dengdan temam bû. Ligel van li bajarên Tirkiyeyê ên wekî Artvin, Giresun, Gumuşhane,, Ordu, Rize, Sivas, Trabzon, Bayburt û Kilisê jî dengdan temam bû. Li van bajaran niha dê dest bi jimartina dengan bikin.

Li bajarên din dengdan saet 17.00'an de temam dibe. 

15.00  

Ji sindoqa 120 kesî tenê kesek li Qersê ye

Li Dibistana Navîn a Ataturk a Taxa Cumhuriyetê sindoqa bi nimreya 1042 heye. Hat eşkere kirin ku di vê sindoqê de 120 hilbijêr hene lê tenê kesek li Qersê rûdine. Yên din hemû ji derve anîne. 

12.00

BAKIRHAN: Bila gelê me dengê xwe bide

Hevserokê DEM Partî Tuncer Bakirhan li Dibistana Seretayî ya Ahmet Vefik Paşa ya li Taxa Guvenevler a Enqereyê dengê xwe da û got, "Bila ser xêrê be. Ezê bêjim ez hêvî dikim bila bibe hilbijartineke demokratik lê heta vir li bajarên kurdan gelek hilbijêrên ji derve anîne birin deng didin. Leşker, polîs û hilbijêrên ji derve anîne li van bajaran deng didin. Di serî de hîle xistine hilbijartinê. Ligel vê yeKê jî bi hemû hêza xwe emê ligel gele xwe deng bidin, ez banga dengdayînê dikim. Îro jî ji ber ku ez deng didim jina herî xweşik a dinyayê, jina jîr, ya herî entellektuel, ya herî berxwedêr ez dilgeş im û serbilinid im." 

11.25

Ozgur Ozelî rey eyşt

Serokê Pêroyîn ê CHP'î Ozgur Ozel Manîsa de,  Mektebê Ulusal Egemenlik de rey eşt. Ozelî ewca va, "Re rey tansiyonê weçînayişî beno pîl. Ez veyndena ke aramî bibo. Wextê serkewtişî de wa heme miletey ma xwu çekan ra dûr bigîro. Helbet ma go kêf bikerê, enî weçînayişî de heto vinî bikero çiniyo. Ma sindoqan de 20 mîlyon, 30 mîlyonê, la siba ma 84 mîlyonîyê. Ma  YSK şopênenê. Heta enka ti pirsgirêk nêveciyawo."

HILBIJÊRÊN JI DERVE ANÎNE

Li Pasûra Amedê, Kerborana Mêrdînê, li Stêwra Mêrdînê, li navenda Agirî, li navenda Şirnexê û li gelek cihên din "hilbijêrên ji derve anîn" bi komî anîn dibistanan û deng didin. 

11.00

Li Cirnikê kesek mir

Li gundê Çirnikê (Gundê girêdayî Sûra Amedê) malbateke ji AKP'ê êrîşê malbata ji DEM Partî kir, Di êrîşê de berpirsê sindoqa hilbijartinê yê li ser navê DEM Partî Emin Çelik hat kuştin. Çelik bavê 5 zarokan bû. Cenazeyê wî rakirin Adlî Tibê.

10.00

SEROKÊ YSK'YÎ: REY EYŞTIŞ BÊ PIRSGIRÊK DEWAM KENO

Serokê Lijneya Pîle ay Weçînayişî (YSK) ay Tirkiya Ahmet Yener qeybî çapemeniyê vat: Temamê Tirkiya de rey eyştişî dest pa kerdo û ti pirsgirêk çini yo. Ha, ez jî şina rey xwu erzena. 

09.55

Peywirdarê Sindoqê du caran deng da

Li Bajaroka Bûlam a Çêlikana Semsûrê peywirdarê sindoqê Muhammed Yilmaz du caran deng da. Li gor nûçeya MA'yê Yilmaz li sindoqa 1030 ya li Dibistana Şehit Er Erdal Şireci deng dan û paşê li sindoqa 1031 jî deng da. DEM Partî ev yek diyar kir. Hat gotin ku der barê wî de dê serî li dozgeriyê bidin.

LI BAJARÊN KURDAN ÎDIR, QERS Û ERZÎNCANÊ HEVKARIYA AKP-MHP'Ê

Li temamê Tirkiyeyê AKP û MHP bi hev re dikevin hilbijartinê, lê li hin bajaran her duyan jî berendam derxistine. Ji bajarên kurdan li Qersê û Erzîncanê AKP ji bo piştgiriya berendamê MHP'ê bike bi paş ve vekişiya ye. Li Îdirê jî MHP ji bo piştgiriya AKP'ê vekişiya ye. Li bajarên din ên kurdan jî hevkariya her du partiyan heye lê bi taybetî Qers û Îdir ji bo DEM Partî girîng e. Ji bo li van bajaran DEM Partî bi ser nekeve van her du partiyan hevkariyeke wisa kiriye.

09.40

Li Xelfetî êrîşê mebûs Ocalan kirin

Li Xelfetiya Rihayê li dibistana Hilali Îlkogretîmê û Ozmuş Ortaokulu xwestin bi giştî dengan bikar bînin.

Li Dibistana Hilali komek çekdar muşahit ji dibistanê derxistin û xwestin deng bidin. Li du muşahîdên YRP'ê xistin. Li ser nerazîbûnan dengdan hat rawestandin.

Mebûsê DEM Partî Omer Ocalan piştî agahî bi dest xist, çû dibistanê. Parêzvanên şaredarê niha Şeref Albayrak û hin kesên din êrîşê mebûsê DEM Partî Ocalan kirin. Ocalan û DEM Partiyî bi zorê ji destê wan xilas bûn, lê hê jî ew li dibistanê ne. (MA)
Li aliyê din Şaredarê Xelfetî û berendamê AKP'ê Şeref Albayrak ligel xwe 100 kes ku pisûla jî di dest wan de anîne Taxa Talikan û xwestin deng bidin. Ev bûyer saet li dor 07.50 çêbû. Muşahidê DEM Partî ku îtîraz kir, li wî xistin, ew derxistin derve. Li taxa Berasûrê jî hat gotin ku bi bêisûlî, bi giştî dengdan tê dayîn.

08.30:

Uçar û Keskîn: Xwedî li sindoqan derên

Hevseroken DBP'ê Çigdem Kiliçgun Uçar û Keskin Bayindir li Baglara Amedê li Dibistana Şehit Birkan Gundus deng da. Piştî dengdanê Uçar ji bo çapemenî got, "Ligel jin û ciwanan di nav atmosfereke ne wekhev de me xebateke cidî ya hilbijartinê kir. Hêviya me ew e îro encama keda me ya mezin derkeve holê. Me dengê xwe da. Banga me ew e her kes here cem sindoqan, dengê xwe bide û xwedî li dengê xwe derê."

Bayindir jî li Baglarê li Dibistana Lîseya Îmamhatîbê ya Ferdi Yigit den da û bang kir, "Banga min ji bo gelê me ye; di çi rewşî de dibe bila bibe bila herin dengê xwe bidin. Dengek her tiştî diguherîne." Bayindir got ku hiştî her kesî deng da bila li sindioqan xwedî derên.

07.00

Li bajarên kurdan, li Semsûr, Agirî, Çewlîg, Bedlîs, Amed, Elezîz, Erzîngan, Erzerom, Dîlok,  Colemerg, Qers, Meletî, Mêrdîn, Mûş, Sêrt, Dêrsim, Riha, Wan, Batman, Şirnex, Erdexan, İdirê saet 07'an de dengdanê ji bo şaredariyan dest pê kir. Ligel van li bajarên Tirkiyeyê ên wekî Artvin, Giresun, Gumuşhane,, Ordu, Rize, Sivas, Trabzon, Bayburt û Kilisê heman saetê dengdanê dest pê kir. Li van deran saet 16'an de destdan bi dawî dibe.

Li bajarên din ên Tirkiyeyê saet 08'an de dest pê dike û 17'an de bi dawî dibe.

Bi temamî 61 mîlyon û 441 hezar û 882 hilbijêr mafê wan ê dengdanê heye.

HIN ÎSTATÎSTÎK

Li 81 bajar, 922 navçe, 397 bajarok û li 18 hezar û 257 gundan dendan heye.

Şaredarên Bajarên Mezin, Şaredarên Bajaran, Şaredarên Navçe û Bajarokan, bi temamî 1003 kursî hene.

Bi temamî 12 hezar û 725 berenrdamên partiyan, 653 jî berendamên serbixwe hene.

RENGÊN PISÛLAYAN

Ji bo şaredariya bajarê mezin pisûla 'SPÎ' ye. Ev pisûla tenê li Bajarên Mezin heye. 

Ji bo Meclisa Giştî ya Şaredariyê pisûlaya "TÛRÛNCÎ" heye.

Ji bo Serokê/a Şaredariyê pisûlaya "Hêşîn" heye.

Û ji bo endamên Meclisa Şaredariyê jî pisûlaya "ZER" heye. Hemû dikevin heman zerfê. Li ber sindoqan ji bo moxtaran kaxizên biçûk ên serbixwe hene. Yên bixwazin ji van qaxiza yekê digirin û wê jî dixin nava zerfê.

BAJARÊ HERÎ MEZIN: STENBOL

Li Stenbolê 22 berendam li ser navên partiyên xwe di pêşbaziyê de ne. 27 kes jî wekî serbixwe dikevin hilbijartinê. Ji navçeyên Stenbolê herî zêde li Bakirkoy û Sultanbeyli berendam hene. Li van her du navçeyan her yek 25 berendam hene. 
Li Stenbolê du berendamên gelek xurt hene: Berendamê CHP'ê û şaredarê niha Ekrem Îmamoglu û berendamê AKP'ê Murat Kurum. Li ser navê DEM Partî Meral Daniş Beştaş û Murat Çepni berendam in.
Li Stenbolê 39 navçe hene, di hemû navçeyan de AKP-MHP'ê di bin banê "Cumhur Îtîfaki" (Tifaqa Komarê) de li hev kiriye. Li 37 navçeyan AKP'ê, li 2 navçeyan MHP'ê (Beşîktaş û Sîlîvrî) berendamên xwe nîşan dane.
Li Enqereyê 24 berendamên partiyan hene. Li vî bajarî berendamên derdikevin pêş berendamê CHP'ê û şaredarê niha Mansur Yavaş û berendamê AKP'ê Turgut Altiok in. Li ser navê DEM Partî Gultan Kişinak û Ozturk Turkdogan berendam in.

Li Enqereyê 25 navçe hene. Li Enqereyê AKP'ê li 20 navçeyan, MHP'ê li 5 navçeyan berendam nîşan dane.

Li Îzmîrê 30 navçe hene. AKP'ê li 25 navçeyan, MHP'ê li 5 navçeyan berendam nîşan dane.

Li Îzmîrê ji bo Bajarê Mezin DEM Partiyê Akin Bîrdal û parêzer Turkan Aslan wekî berendam nîşan dane.

Berendamên herî zêde li Entabê hebe. Li vî bajarîn 26 kes li ser navê partiyan bûne berendanm. Herî hindik berendam li Bayburta Tirkiyeyê ne. Li vir navenda bajêr û navçe jî têde bi temamî 35 berendam hene. Li navenda bajêr 16 berendam li ser navê partiyan, 4 jî serbixwe, 20 berendam hene. Li vî bajarî di sala 2019'an de nêzî 20 hezar kesî deng dabû. 

SERBIXWEYÊN KURDAN

Li bajarên kurdan vê carê li 3 bajaran berendamên serbixwe hene. Li Bedlît, Çewlig û Batmanê berendamên serbixwe hene. Li aliyê din li Silopî jî berendamek serbixwe heye.

KÎJAN PARTÎ ÇEND BERENDAM DERXISTINE?

Her3i zêde Yenî Refah Partisi (YRP) berendam derxistine. YRP'ê ji 922 navçeyan li 845 cihan berendam nîşan dane. Lê YRP'ê li Erzeromê berendam nîşan nedaye. Dûre CHP tê ku  li 886 cihan berendam nîşan daye. Ak Partî  li 858, İYİ Parti li 800, MHP'ê li 474 û DEM Partî jî li 416 cihan berendam nîşan dane.