Diyarname

Spectrum House li ser hilbijartina herêmî ya Şaredariya Bajarê Mezin a Stenbolê raporek amade kiriye. Di raporê de li ser CHP, AKP, DEM Partî û Îyî Partiyê agahî hene. Ji bo DEM Partî gotiye, ew berendam nîşan bidin jî ji hilbijêrên wan sedî 23 dengê xwe didin Ekrem Îmamoglu.

Di navbera 17-20'ê rêbendama 2024'an de li 25 navçeyên Stenbolê ligel 1815 kesên bi ser temen 18'an re lêkolîn hatiye kirin. Sedî 50 jin, 

50 mêr. Ji van nêzî nîvê wan dibistan xilas nekiriye, yan jî dibistana seretayî xwenrine. Li aliyê din beşek mezin jî jê li sektorên taybet dixebitin.

Va ne agahiyên ji wê raporê:

- Sedî 54,4 gotiye wekî berenram nîşandayîna Ekrem Îmamoglu ji aliyê CHP'ê ve tiştek rast e. Sedî 29.8 gotiye şaş e.

- Sedî 37,8 gotiye wekî berenram nîşandayîna Murat Kurum ji aliyê AKP'ê ve tiştek rast e. Sedî 28.8 gotiye şaş e.

- Sedî 49.3 gotiye erê, Dem Partî divê berendamek nîşan bide. Sedî 37.3 gotiye na, divê nîşan nede. Sedî 6.9 gotiye ez bê biryar im. Sedî 6.4 gotiye min eleqedar nake.

REWŞA XEBATÊN ŞAREDARIYÊ

- Ji AKP'yiyan sedî %22,2, ji MHP’yiyan ji sisê yek, ji DEM Partî sedî %70, ji İYİ Partî sedî 

%71,2, ji CHP’ê sedî %82,4 gotiye "şaredariya niha ji ya berê xwe bi serketîtir e."

- Ji AKP'yiyan sedî %18, ji MHP’yiyan sedî %27,5, ji sedî İyi Partiyiyan sedî %73,5, ji DEM Partiyiyan sedî %75,6 gotiye em ji Şaredarê Bajarê Mezin ê Stenbolê Ekrem İmamoglu memnûn in.

HILBIJÊRÊN DEM PARTÎ DENGÊ DIDIN ÎMAMOGLU?

- Yên ku 14'ê gulana 2023'yan de deng dane Yeşîl Sol Partî (niha DEM Partî), ji sisêyan yekî zêdetir gotiye gere DEM Partî beredamê nîşan bide. Sedî 55 gotiye nîşandayîna berendamek şaş e. 

- Ji yên ku gotine roja 31'ê adara 2024'an ezê dengê xwe bidim Dem Partî nêzî nîvê wan gotiye gere DEM Partî berendamê nîşan bide, sedî 37.3 gotiye divê nîşan nede.

- Sedî 13.7'ê hilbijêrên DEM Partî dijî hevkariya ligel CHP'ê ne, beşek mezin piştgiriya nêzîktêdayîna DEM Partî ya "lihevkirina bajêr" dike.

- Ji çaran yekê hilbijêrên DEM Partî gotiye DEM Partî berendamê nîşan bide jî dê dengê xwe bidin Îmamoglu. Ji çaran sisê gotiye ezê dengê xwe bidim partiya xwe.

- Ji ÎYÎ Partî nêzî nîvê hilbijêran gotiye ezê dengê xwe bidim Îmamoglu.

PIRSGIRÊKA TRAFÎKÊ

Beşdaran wekî pirsgirêka mezin a Stenbolê, pirsgirêka trafîkê ragihandiye (sedî 41.7).