Cemil Oguz
Rêzeya 4'em a antolojiya dengbêjan ku Omer Guneş û Îbrahîm Şahîn amade kirine derket. Wekî vê rêzeyê pirtûka "Dengbêj Mehmûdê Hesê" derket. Pirtûk ji Nûbiharê derket. Yek ji lêkolîneran Îbrahîm Şahin bû mêvanê me.
Wan di vê rêzeyê de pêşî pirtûka “Dengbêj Reso”, “Dengbêj Şakiro”, par "Dengbêj Huseyno" derxistibûn û niha jî "Dengbêj Mehmûdê Hesê" derxistin. Pirtûk ji Weşanxaneya Nûbiharê nû derket. Li gor agahiya ku Şahîn da me di rêzê de dengbêjên din hene û ew dibêje, "Heta niha texmînen 50 hezar klam me berhev kirine. Me xwest dengbêjên navdar bikin rêze û antolojiya wan amade bikin. Yên ku em esas digirin dengbêjên hoste ne. Ne dengxweş, yên ku li nav civatê bi meqamê xwe, bi edebiyata xwe, bi vegotina xwe li ser civakê bandorek mezin hiştiye û navdar in. Li Herêma Mêrdînê wekî Mehmûdê Hesê dengbêjin din jî navdar hene, wekî Fadilê Kufragî û yên din. Diviya bû me qerarek bida. Ya din ji hêla devokê Mêrdînê ve bo me hêsantir bû em bi Mehmûdê Hesê dest pê bikin û paşê vegerin dengbêjên din."
DENGBÊJÊN AMEDÊ DI RÊZÊ DE NE
Şahîn dibêje "Piştî Mêrdînê ew berê xwe didin Amedê" û van lê zêde dike, "Niha em li ser dengbêjên herêma Amedê dixebitin, dengbêj Ebdilhadî ku ew jî dengbêjek nasdar e, dengbêjekî hoste ye, di heman demê de dengbêjek şair e. Salihê Bênatî heye, dengbêj Zahiro heye. Bi vî awayî didome."
FERQA DIRÊJIYA KLAMÊN SERHEDÊ Û MÊRDÎNÊ
Lêkolîner Şahîn ji bo ferqa herêman jî vê tîne ziman: "Klamên li Serhedê du diqeyan bidomin, heman klam li Mêrdînê dibin 20 deqe, nîv saet, hinek saetekî dirêjtir in. Ev yek vê bi xwe re tîne, çîroka bûyerê bi gelemperî û berfireh tê vegotin. Di wê demê de qalib û çanda dengbêjî zêde tevlî klaman dibe. Qalibên li herêmê têne bikaranîn jî tevlî dibe."
BI MEHMÛDÊ HESÊ RE ŞÊWAZA MODERN Û 'KAFIR MISTÊ'
Em dixwazin li ser pirtûka nû, yanê li ser Dengbêj Mehmûdê Hesê çend tiştan bibêje. Ew didomîne, "Dengbêj Mehmûdê Hesê hem bi teşedayîna klaman, bi terzê xwe cuda ye, hem di klamên xwe de karakterên taybet afirandine. Nexasim di destanan de hin karakterên di dengbêjên din e ên ku heta niha em li ser xebitîne, di edebiyata modern de jî ev karakterên ku tune de di destanên Mehmûdê Hesê de hene. Mînak destana "Kafir Mistê". Kafir Mistê karakterek xwîn e, ji serî heta dawiya destanê hem xwînî, hem jî mazoşîst e. Wek Kafir Mistê bikar aniye lê ger em bi têgiha modern bi nav bikin wekî Pîskopat Mistê tê. Ev karakterek gelek balkêş e."
Ji bo guhdarîkirina van û berfirehiya hevpeyvînê kerem bikin vîdyoya hevpeyvînê:
***
Nûçeyên Eleqedar:
- Pirtûka çarem: 'Dengbêj Mehmûdê Hesê' derket
- Antolojiya Dengbêjan a Çaremîn: Mehmûdê Hesê tê
- Pirtûka sêyem: ‘Dengbêj Huseyno’ di xizmetê de ye
- Amadekarên Antolojiya Dengbêjan: Warê gotin û muzîka kurdî dengbêjî ye
- Em dê guh bidin çîrok û hîkateya antolojiya dengbêjan
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
***
Hesabên Diyarnameyê
- twitter.com/diyarname1
- facebook.com/diyarname
- instagram.com/diyarname1
- youtube.com/diyarnamediyarname
Ji bo têkilî: diyarname@diyarname.com
***
DIBE KU EV NÛÇE JÎ BALA TE BIKIŞÎNIN (Sernavê bitikîne):
- Pirtûka Marquez piştî 10 salên mirina wî çap dibe
- “Ev karê ku LEW dike dê ji bîra kurdî, ji zemên re bimîne”
- Îdîaya Mem Med: Çîroka kurmancî li gorî cureyên edebî yên din herî pêş e
- Samî Hêzil: Divê em cihê wergerê di çand û zimanê xwe de diyar bikin: serê jorê an ber dêrî?
- Îdîayeke balkêş: Ev welat dixwaze navê xwe biguherîne
- Receb Dildar: Berteka ji bo xweparastinê tevgere xwezayî ye