Diyarname

"Freedom House" saziya fikir e ku navenda wê li Washingtonê ye "Rapora Azadiya Înternetê ya 2016'an" eşkere kir.

Li gor nûçeya BBC Tirkî di rapora par de Tirkiye di beşa "Hinek azad" de bû îsal ketiye nava welatên ku lê înternet ne azad e.

Li gor raporên 20 welatên ku înternet li wê derê ne azad e hene ku Tirkiye jî di nav van de ye. Ji bilî Tirkiyeyê welatên din ku înternet lê neazad e ev in: Sûdan, Erebistana Siûdî, Misir, Etyopya, Rusya, Çîn, Pakistan, Îran, Myanmar, Bahreyn û Belarus.

Nota herî xirab 100 e, nota Tirkiyeyê ji 58'an derketiye 61'ê. Di şiroveyê de jî wisa hatiye gotin: "Di salên dawî de li Tirkiyeyê înternet ber bi xirabiyê ve diçe. Gelek platformên tora civakî tê astengkirin, ji ber rexneyên li hemberî rayedaran û olê dar barê bikarhêneran de doz têne vekirin. Ji ber van Tirkiye ketiye nava kategoriya 'înterneta neazad'."

Her wiha hatiye gotin ku ligel ku Serokomar Recep Tayyip Erdogan bi Facetimeyê beşdarî televîzyonê bûye, gel bi ser tora civakî re li hemberî hewldana derbeyê ketiye nav tevgerê jî piştî 15'yê tîrmehê astengkirina înternetê zêdetir bûye.

Ligel Tirkiyeyê welatê Brezîlya jî ji beşa "hinek azad" daketiye beşa "ne azad". Li gor raporê hikumeta Brezîlyayê agahiyên taybet ên bikarhêneran ji Whatsappê xwestine loma ketiye nava vê kategoriyê.

Rapor radigihîne ku li dinyeyê tenê sedî 24 xwedî înterneta azad in; rêjeya yên xwedî înteneta hinekazad in sedî 29 e.

Freedom House par ji bo Tirkiyeyê hişyariya "azadiya înternetê di bin talûkeyek mezin de ye" kiribû.