Diyarname

Tûrnûvaya Fûtbola Jinan a Dinyayê 2023 didome. Maçên Dora 16'an temam bûn û çarîk fînalîst diyar bûn. Maçên Dora 16'an rojên 5, 6, 7 û 8'ê mehê hatin lîstin û tîmên bi ser ketin derbasî çarîk fînalê bûn.

Di vê dorê de Spanyayê Swîsre bi 5-2, Japonyayê Norwec bi 3-1, Hollandayê Başûrê Afrîkayê bi 2-0, Avusturalyayê Danîmarka bi 2-0, Kolombiyayê Jamaika bi 1-0 û Fransayê jî Fas bi 4-0 têk bir.

Di maça Swêd û Swîsre, Îngilistan û Nîjeryayê de wekhevî xira nebû. Her du maç bi 0-0'ê bi dawî bûn. Bi penaltiyan Îngilistanê bi 4-2, Swêdê jî DYA bi 5-4 têk bir û derbasî çarîk fînalê bûn.

MAÇÊN ÇARÎK FÎNALÊ

Bi vî awayî Spanya, Japonya, Hollanda, Swêd, Avustralya, Îngilistan, Fransa û Kolombiya derketin çarîk fînalê. 3 roj navber, paşê maçên çarîk fînalê dê bêne lîstin. Di maçên çarîk fînalê rewş bi vî rengî çêbû:

- 11'ê mehê saet 04.00'an e Spanya û Hollanda tên hemberî hev.

- 11'ê mehê saet 10.30 de Japonya û Swêd bi hev re dilîzin.

- 12'yê mehê saet 10.00'an de Avustralya û Fransa ji bo nîv fînalê dê bilîzin. Heman rojê saet 13.30 de jî Îngilistan û Kolombiya ji bo zora hev bibin dê bên hemberî hev. 4 tîmên bi ser bikevin dê derbasî nîv fînalê bibin.

Li gor bernameyê maçên nîv fînalê 15 û 16'ê mehê, maça sêyemînî 19'ê mehê û maça fînalê jî dê roja 20'ê mehê bê lîstin.

Jinên Swêdê bi penaltiyan jinên DYA'yê şandin mal. 

***

Nûçeyên Eleqedar:

- Trumpî ji ber têkçûna tîma jinan Biden sûcdar kir! 

- Jinên Zelandaya Nû dîrokek nû li dîroka xwe kirin 

- Vê carê dora Fûtbola Jinan e (Agahiyên li ser tûrnûvaya îsal)