Diyarname

Hunermendê navdar ê kurd Ahmet Guneştekîn vê carê bi pêşangeha xwe heta deriyê viyanaye çû. Pêşangeha navê "Gerdûna Mîtosan" li "Bank Austria Kunstforum Wien" roja 3'yê mehê hat vekirin.

"Bank Austria Kunstforum Wien" yek ji muzeya herî navdar a Avusturyayê ye ku li dinyayê tê nasîn û qebûlkirin. Ev muze ji roja ku hatiye avakirin heta niha ji bo hunermendên navdar ên wekî Schiele, Kokoschka, Turner, Van Gogh, Cézanne, Picasso, Miró, Malevich, Schwitters, Kandinsky, Lempicka, Chagall û Lichtenstein mazûvanî kiriye. Muze ji sala 2000'î ve heta niha ji bo hunermendên hemdem deriyên xwe vedike. Kesê/a ku li vê muzeyê pêşangeha wî/ê bê vekirin dikeve asta hunermendên bilind ên li dinyayê. Û niha ev muze ji bo hunermendekî kurd deriyên xwe vekir. Hunermend Ahmet Guneştekîn ku wî heta niha li gelek welatan pêşangeh vekiribû vê carê li vê muzeya navdar berhemên xwe pêşkêşî hunerhezan kir. Guneşkîn navê "Gerdûna Mîtosan" li pêşangeha xwe kiriye. Êvara 3'yê mehê bi merasimeke mezin û bi beşdariya gelek navdaran pêşangeh vekir. Kuratoriya pêşangehê Ulrich Ptak kiriye.

Di pêşangehê de hunermendên vesazkirinên geometrîk ku têkilhev dikin hesta bêdawîbûnê, bi bikaranîna qumaşê heta vegotina çîrokbêjî, ji têkiliya mîtosan ku ji wir ketiye rê heta bîrê, berhemên xwe saz kirine û bi dengên ciwan pêşkêş kirine.

Kurator ji bo berhemên Guneştekîn dibêje: "Afirîneriya hunermend wekî manîfestoyeke humanîst e."

Berhema Guneştekîn "Yoktunuz" (Hûn tune bûn) bîra civakek, bi "Konstantin" nîşandayîna serdemek, dîsa "Mîtosan" hunerhezan dibe serdema kevn, çîrokên wê derê bi rengan dixebilîne û pêşkêş dike.

Pêşangeha ku bi piştgiriya DAAX Corpotariton li Viyanayê hatiye vekirin heta 27'ê vê mehê dê vekirî be.
Piştî Viyana li gelek welatên din jî bername hatiye amadekirin û dê berhemên Guneştekîn li wan deran bêne pêşkêş kirin.

Ahmed Guneştekîn bi berhemên xwe li qada navneteweyî digere. Heta 2021'ê li gelek welatan ji niha de bername hatiye amadekirin.